කාලය කළමනාකරණය කරගනිමු 02

කාලය යනු සෑම පුද්ගලයෙකුගේම ලොකුම සම්පත හා ආශීර්වාදයයි. එ නිසා සෑම පුද්ගලයෙකුම යම් ආකාරයකින් තමන්ට ප්‍රයෝජනවත් වන ලෙස තම කාර්යයන් සඳහා කාලය සුදුසු ලෙස වැය කළ යුතු වනවා.

අද අපි ඔබට ඔබේ කාලය කළමනාකරණය කරගත හැකි තවත් සරල හා පහසු ක්‍රම කිහිපයක් මේ ලිපියෙන්ද අපි ඔබට අරගෙන ආවා.

 

විවේකයක් ගන්න

පුද්ගලයකුට කිසිවිටෙකත් පැය 9-10 ක් අඛණ්ඩව වැඩ කළ නොහැක. අපි හැමෝටම විවේකයක් අවශ්‍යයි. ඔබේ දවස සැලසුම් කිරීමේදී ප්‍රමාණවත් විවේකයක් ලබා ගැනීමටද වග බලා ගන්න. කෙසේ වෙතත්, ඔබ විශාල ලෙස විවේකයන් ලබා නොගැනීමටද වගබලා ගන්න.

මෙය ඔබව ඔබ කරන කාර්‍ය්ය නවතාලන්නට ඔබව පොළඹවනු ඇත. විවේක ගැනීම සඳහා ඔබට 90/20 රීතිය භාවිතා කළ හැකිය. නිශ්චිත කර්තව්‍යයක් සඳහා ඔබ විනාඩි 90 ක් අවධානය යොමු කර විනාඩි 20 ක විවේකයක් ගන්නා සංකල්පය මෙයයි.

අධ්‍යයනවලින් පෙනී යන්නේ මිනිත්තු 60 සිට 90 දක්වා කාල පරාසයක් තුළ මොළය එහි ඇති ග්ලූකෝස් (ප්‍රශස්ත මොළයේ ක්‍රියාකාරිත්වයට වගකිව යුතු සීනි) භාවිතා වෙන බවයි.

ඔබ සිදු කරන කාර්‍ය්යෙන් ඔබ විවේකයක් ගැනීමට නම් සුළු ආහාරයක රස විදීම, ඇවිදීම හෝ භාවනා කිරීම වැනි දේවල් එක් කර ගත හැකිය. මෙය මොළයේ ග්ලූකෝස් මට්ටම නැවත ගොඩනඟා ගැනීමට ප්‍රමාණවත් කාලයක් ලබා දෙන අතර එම නිසා ඊළඟ මිනිත්තු 90 වැඩ සඳහා ඔබව නිසියාකාරව සූදානම් කිරීමක්ද කරයි. මෙම නියමය භාවිතා කිරීමෙන් ඔබේ ඵලදායිතාව, නිර්මාණශීලිත්වය සැලකිය යුතු ලෙස වැඩිදියුණු කළ හැකි අතර ආතති මට්ටමද අඩු කළ හැකිය.
 

වරකට එක් කාර්යයක් කෙරෙහි අවධානය යොමු කරන්න

ඔබට එකවර බහුවිධ කාර්යයන් කෙරෙහි අවධානය යොමු කළ නොහැක. බහු කාර්යයන් කළ හැකි වීම විශේෂ හැකියාවක්. බොහෝ පුද්ගලයින් සතුව එසේ ක්‍රියා කිරීමට හැකියාව ඇති, උපායශීලී මාර්ගයක් ලෙස සැලකුවත්, එය එසේ නොවේ.

වරකට එක් කාර්යයක් කෙරෙහි අවධානය යොමු කරන පුද්ගලයින් බහු කාර්යයන් කරන අයට වඩා වේගවත් හා ගුණාත්මක බවින් වැදගත් වේ.

ඊට අමතරව, එය වරකට එක් කාර්‍ය්යක් සඳහා කාලය ගත කිරීමත්, අවධානය වෙනතකට යොමු නොකිරීමට මෙන්ම ඔබ සිදු කරන කාර්යය ඵලදායී ලෙස ඉටු කිරීම කෙරෙහි මුළුමනින්ම ඔබේ අවධානය යොමු කිරීමටද මෙමගින් උපකාරී වේ.
 

 

ජයග්‍රහණය සමරන්න

ඔබ යම් කාර්යයක් හොඳින් අවසන් කිරීම තුළින් ඔබේ ඵලදායිතාව සහ කාල කළමනාකරණය වැඩිදියුණු වී ඇති බව ඔබට හැගෙනවා නම් ඒ ජයග්‍රහණය සැමරීමට ඔබ ඔබටම ත්‍යාගයක් හෝ එම සාර්ථකත්වය සැමරීම කළ යුතුයි.

එයින් ඔබේ ආතති මට්ටම අඩු කරයි. ඵලදායිතාව වැඩි දියුණු කිරීම සඳහා ඔබේ කාල කළමනාකරණ කුසලතා සහ වෙනත් ක්ෂේත්‍රයන් අඛණ්ඩව වර්ධනයත් තවත් හොඳින් සිදු වෙයි.

ඔබ විසින් ගත යුතු කාර්යයන් සහ ඔබ වැළකී සිටිය යුතු කාර්යයන් හොඳින් හඳුනා ගැනීමට ඔබ අවධානය යොමු කළ යුතුය. එයින් ඔබේ කාලය වඩා වටිනා දෙයක් සඳහා වැය කළ හැකිය.

 

 

 

 

 

 

 

by Kaushalya De Silva

Photo source : Internet