දරුවා තුළ ස්වාභාවික ප්‍රතිශක්තිකරණය ඇති කරමු

නිවසේදී ස්වාභාවිකවම ඔබගේ දරුවාගේ ප්‍රතිශක්තිය වැඩි කරන්නේ කෙසේද? මේ දිනවල අප කතාබහට ලක් කළ යුතු වැදගත් මාතෘකාවක්.

නිරෝගී ශරීරයක්, හොඳ ස්වාභාවික ප්‍රතිශක්තියක් ඇති දරුවකුට අප අවට ඇති වෛරස්, බැක්ටීරියා වැනි රෝග කාරක වලින් රෝගයක් වැළඳීමේ අවදානම අඩු කිරීමට උපකාරී වෙනවා. එසේම, නිරෝගී ශරීරයක නිරෝගී මනසක්ද ඇතිවනවා. ප්‍රතිශක්තිය වැඩි කිරීම සඳහා විවිධ සරල ජීවන රටා ක්‍රම මෙන්න.
 

- එළවළු, ධාන්‍ය වර්ග සහ පලතුරු දරුවාට ආහාරයට දෙන්න.

විටමින් සහ ඛනිජ ලවණ ඇත, විශේෂයෙන් ප්‍රතිඔක්සිකාරක සහ විටමින් ඊ, විටි ඒ සහ සින්ක් මූලද්‍රව්‍යය වැනි එපිටිලියල් ලයිනිං විටමින්, ශරීරයට විෂබීජ වලට එරෙහිව සටන් කිරීමට උපකාරී වන මේ සියල්ල අඩංගුයි. මේද, ප්‍රෝටීන්, කාබෝහයිඩ්‍රේට්, තන්තු, විටමින්, ඛනිජ සහ ජලය අඩංගු සමබර ආහාර වේලක් බොහෝ රෝග සහ සෞඛ්‍ය සංකූලතා වළක්වා ගැනීම සඳහා අත්‍යවශ්‍ය වේ.
 

- අත් සෝදන්න පුරුදු කරන්න
 

දෑත් නිතර වතුරෙන් හා සබන් වලින් සේදීම මගින් වරින් වර මුහුණ ස්පර්ශ කිරීමේ පුරුද්ද නිසා මුඛයට පහසුවෙන් ඇතුළුවන විශබීජ ඉවත් කිරීමට උපකාරී වේ. කුඩා කල සිටම අත් සේදීමේ නිසි තාක්‍ෂණය දරුවාට ඉගැන්විය යුතු අතර එමඟින් එය පසුකාලීන ජීවිතයේ පුරුද්දක් බවට පත්වේ.
 

- දරුවාට නිතර ජලය පානයට දෙන්න

නිරෝගී ශරීරයක් ලබා ගැනීම සඳහා ශරීරය සජලීව තබා ගැනීම ඉතා වැදගත්. අපගේ ශරීරයේ සෑම පද්ධතියකම ක්‍රියාකාරිත්වය පවත්වා ගැනීමට දිනකට වතුර වීදුරු 8 ක් පානය කිරීම ඉතා වැදගත් වේ. ජලය අපගේ සෛල වලට පෝෂ්‍ය පදාර්ථ ගෙන යන අතර අපගේ ශරීරයෙන් බැක්ටීරියා පිටතට ගෙන මල බද්ධය වළක්වයි.
 

- ප්‍රමාණවත් නින්දක් දරුවාට ලබාදීම
 

ශරීරයේ සහ මනසෙහි නිසි ක්‍රියාකාරිත්වය සඳහා නිරෝගීව සිටීමට පැය 8 සිට 9 දක්වා අඛණ්ඩ නින්දක් දරුවාට අත්‍යවශ්‍ය වනවා. එයින් දරුවාට සුවබර නින්දකට අවශ්‍ය මෙලටොනින් හෝමෝනය ඉතා හොඳින් ඇතිවීමද සිදුවෙනවා.

 

- දරුවාගේ මුඛ සෞඛ්‍යාරක්ෂාව පවත්වා ගැනීම

දිනකට දෙවරක් දත් මැදීමට දරුවාව හුරු කළ යුතුයි. උදෑසන හා නින්දට පෙර දත් මැදීමෙන් දරුවාගේ මුඛ සෞඛ්‍යය පවත්වා ගැනීම හොඳින් සිදුවන අතර, විෂබීජ ඉවත් වීම මගින් රෝග වැළදීම වැළැක්වෙයි.
 

- දරුවාගේ එන්නත් සම්පුර්ණ කරන්න

බොහෝ බෝවන හා නොවන රෝග සඳහා දරුවාට උපතේ සිට එන්නත් ලබා දීම සිදු කරයි. මෙම රෝගවලට එරෙහිව ප්‍රතිශක්තිය වර්ධනය කර ගැනීම සඳහා හා රෝග වැළැක්වීම සදහා දරුවාට සියළු එන්නත් ලබාදීම අත්‍යවශ්‍යයි.
 

 

- දරුවාගේ බර පාලනය කරගැනීම

දරුවාට වයසට ගැළපෙන බර තිබිය යුතුය. මන්දපෝෂණයෙන් පෙළෙන හෝ අධික බරැති දරුවෙකු බෝවන මෙන්ම බෝ නොවන රෝග සඳහා වැඩි අවදානමකට නිරාවරණය වනවා.
 

- ශාරීරික ව්‍යායාම වල ඔබේ දරුවා යෙදවීම

නිතිපතා ව්‍යායාම කිරීම දරුවාට ශාරීරික සෞඛ්‍යයට මෙන්ම මානසික යහපැවැත්මට ද එකසේ ප්‍රයෝජනවත් වෙනවා. එය මතකය වැඩි දියුණු කරන අතර සමස්ත මනෝභාවය සහ යහපැවැත්ම වැඩි කරයි.

 

 

 

 

 

 

 

by Kaushalya De Silva

Photo source : Internet