ගෝඨාභය වෙනුවෙන් ඇප තැන්පත් කරයි

ශ්‍රී ලංකා පොදුජන පෙරමුණු ජනාධිපති අපේක්ෂක ගෝඨාභය රාජපක්ෂ මහතා වෙනුවෙන්  අද (20) මැතිවරණ කොමිෂන්  සභාවේදී  ඇප තැන්පත් කෙරුණා.

 

ශ්‍රී ලංකා පොදුජන පෙරමුණේ ලේකම්  සාගර කාරියවසම් මහතා  විසින් මෙම ඇප තැන්පත් කිරීම සිදු කරනු ලැබුවා.

 

ඉදිරි ජනාධිපතිවරණයට ඉදිරිපත් වන අපේක්ෂකයින් 03 දෙනෙකු මේ වන විට ඇප මුදල් තැන්පත් කරනු ලැබ තිබෙනවා.

 

ශ‍්‍රී ලංකාවේ සමාජවාදී පක්ෂය වෙනුවෙන් පරිසරවේදිනී ආචාර්ය අජන්තා පෙරේරා, ස්වාධීන පක්ෂ අපේක්ෂක ජයන්ත කැටගොඩ සහ ස්වාධීන පක්ෂ අපේක්ෂක සිරිපාල අමරසිංහ යන අය විසින් මෙලෙස ඇප තැන්පත් කළ අයයි.

 

ජනාධිපතිවරණය පැවැත්වෙන්නේ ලබන නොවැම්බර් මස 16 වනදායි.