යහපාලන ෆොන්සේකාට කොඩිවිනයක්
පසුගිය රජයෙන් ජනතාවට සිදුවු වැරදි සඳහා එක්සත් ජාතික පක්ෂ නායකයා වගකිව යුතු බවට එම පක්ෂයේම මන්ත්‍රීවරයෙක් චෝදනා කර තිබේ.
රනිල් වික්‍රමසිංහ හිටපු අගමැතිවරයා හා යහපාලන සංකල්පය “කොඩිවිනයක්” ලෙසින් පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා විසින් හෙලා දකිනු ලැබුවේ ජනාධිපතිවරණයට සහාය දැක්වූ කැලණිය ආසනයේ එක්සත් ජාතික පාක්ෂිකයින් වෙනුවෙන් ස්තුතිය පළකිරීම සඳහා 5 ඉරිදා සංවිධානය කර තිබූ කළ ජන හමුවකට එක් වෙමිනි.
“යහපාලනය කියලා කොඩි විනයක් අපි ඔලුවේ දාගෙන ඒ හරහා අපි ජනතාව අමතක කළා. ඒකට සම්පුර්ණ වගකියන් ඕනේ රජය. රජය කිව්වට මම ඒකෙත් සියයට 99ක් වගකීම පවරන්නේ එක්සත් ජාතික පක්ෂ නායක තුමාට.” යැයි මන්ත්‍රීවරයා කියා සිටියේය.
එම වරදේ ගොදුර බවට පත්වුයේ ජනාධිපති අපේක්ෂක වු සජිත් ප්‍රේමදාස බව ද ෆීල්ඩ් මාර්ෂල් සරත් ෆොන්සේකා මන්ත්‍රී වැඩි දුරටත් පැවසීය.
1109 Views
Comments