බාධකයන්ට අභියෝග කළ අශාන්ති සෝරිස්
Latest_News
calendar
DEC
18

බාධකයන්ට අභියෝග කළ අශාන්ති සෝරිස්

බාධකයන්ට අභියෝග කළ අශාන්ති සෝරිස්

ජීවිත ගමනේ අභියෝගයන් සහ බාධක අපට නිතරම හමුවෙනවා. බොහෝ පුද්ගලයින් ඒවාගෙන් පසුබෑමට ලක් වී අධෛර්යමත් වීම නිසා ඔවුන් එකම ස්ථානයේ රැඳී සිටී. ජීවිතය යනු අභියෝග ජයගෙන සාර්ථකත්වය කරා ඉදිරියට යාමයි. මේ ඉදිරි ගමන ශක්ති සම්පන්නව යාමට තෝරාගත් අශාන්ති සෝරිස් මිර්චාන්දනිගේ කතාවයි.

අශාන්ති සෝරිස් මිර්චන්දනි (බ්‍රේක්තෲ ස්ටූඩියෝ හි නිර්මාතෘවරිය), 2015 දී සිය ශරීර සුවතා ඉගැන්වීම් දිවිය ආරම්භ කළ අතර, එය කිසිසේත් සැලසුම් කර සිදු නොකළ දෙයක් බව ඇය පැවසුවා.

ඇයට මෙවන් අදහසක් ඇති වූයේ ඇය කාගිල්ස් හි සාප්පු සවාරියේ යෙදී සිටියදීයි. ඇය සන්තකයටම ඇත්තේ රු. 3500 ක් බව ඇය තේරුම් ගත් මොහොතේම ඇය තම ජීවිතය වෙනස් කිරීමට තීරණය කළාය. ඇයගේ ජීවිතය සදහටම වෙනස් කරන්න ගත්ත හොඳම තීරණය මෙය වුණා.

ඇය මුහුණ දුන් මූල්‍ය තත්වය මඟහරවා ගැනීම සඳහා අද්විතීය හා වෙනස් දෙයක් කළ යුතු බව ඇය තේරුම් ගත්තා. තම ව්‍යාපාරය ආරම්භ කිරීමට පෙර ඇය ගත කළ ජීවිතය ගැන ඇය කිසිසේත්ම සෑහීමකට පත් නොවූවාය.

බ්‍රේක් තෲ ස්ටුඩියෝ, ලංකාවේ යෝග්‍යතා මධ්‍යස්ථාන අතර කැපී පෙනෙන හා සැලකිය යුතු ලෙස වර්ධනය වී ඇති ආයතනයක් වෙනවා, ශ්‍රී ලංකාවේ ශාඛා 3 ක් සහ ජාත්‍යන්තරව,
ඉන්දියාවේ ශාඛාවක්ද මේ වන විට ක්‍රියාත්මකයි.

ඇයගේ වෙහෙස මහන්සිය, කැපවීම සහ උද්‍යෝගය නිසා ඇය දිනපතා නිවාස 5-6 කට පමණ ගොස් පන්ති පැවැත්වීම ආරම්භ කළා. පරිපාලනය කළමනාකරණය කිරීම සහ ව්‍යාපාරයේ වෙනත් අංශ සියල්ලම ආරම්භයේදීම ඇය තනිවම කරගෙන ගියා. ඇයට එය නිසැකවම ආතතියෙන් පිරුණු කාර්යබහුල කාලයක් වුණා. නමුත් අශාන්ති වෙහෙස මහන්සි වී වැඩ කළාය. එය ඇගේ ප්‍රියතම විනෝදාංශය විය.

 



"බොහෝ ව්‍යවසායකයින් ව්‍යාපාර ආරම්භ කිරීමට පසුබට වන බව" අශාන්ති අවධාරණය කළේය. එබැවින් ඇය උනන්දුවක් දක්වන සහ ඉදිරියට එන ව්‍යවසායකයින්ට අවශ්‍ය උපදෙස් මෙලෙස ලබා දීමටත් අමතක නොකළාය.

ව්‍යාපාරයක් ආරම්භ කිරීමට බිය විය යුතු නැහැ, නිදහසට කරුණු ඉදිරිපත් නොකරන්න. ඔබ සතුව ඇති මුදලින් ආරම්භ කරන්න. මම ආරම්භ කළේ අතේ තිබුණු රු.3500 ක් වගේ පුංචි මුදලකින්. එය අසීරු වුණත් මම පටන් ගත් දා සිට මට බොහෝ දොරවල් විවෘත වුණා."

"අද, බ්‍රේක් තෲ ස්ටුඩියෝ ශ්‍රී ලංකාවේ ප්‍රමුඛතම යෝග්‍යතා මධ්‍යස්ථානයක් බවට පත් කරගන්නට මට හැකියාව ලැබුණා. ඔබ යම් දෙයක් කෙරෙහි සැබවින්ම ඇල්මක් දක්වනවා නම්, දිගු කාලීන කැපවීමක් හා ඒ සදහා ඔබ සූදානම් විය යුතුය. එයින් ඔබට ජයගත නොහැකි අභියෝගයක් නොමැත. එය ඔබේ නව ජීවිතයට ඉදිරි ගමනක්” ඇය පැවසුවේය.

අශාන්ති අවධාරණය කළේ නව ව්‍යාපාරයක් ආරම්භ කිරීම විවාහය හා සමාන බවයි. දිගු කාලීනව කැපවීමට සහ ඔබේ දරුවා මෙන් එය රැකබලා ගැනීමට ඔබට හැකියාව තිබිය යුතුය. ආරම්භයේ දී, දැඩි අපහසුතාවයන්ට මෙන්ම ආතතියට පත්වන නමුත්, කාලයත් සමඟ එය හොඳ අතට හැරෙන ආකාරයට ඔබට සියලු බාධක ජයගෙන ඕනෑම ක්ෂේත්‍රයක සාර්ථකත්වය අත් කර ගත හැකි බව ඇය වැඩිදුරටත් පැවසීය.

බ්රේක් තෲ ස්ටුඩියෝ යෝග්‍යතා මධ්‍යස්ථානය ආරම්භ කිරීමට අශාන්තිට මුදල් තිබුණේ නැත. නමුත් ඇගේ ආශාව ලුහුබැඳීමට ඇය දැක්වූ කැපවීම ඇයව නතර කළේ නැත. ඉතින් ඇය අවුරුදු 2 ක් පමණ පුහුණුකාරිණියක ලෙස වැඩ කරන්න පටන් ගත්තා. ඇය මෙම කාලය තුළ මුදල් ඉතිරි කර ගනිමින් විවිධ වූ අත්දැකීම් ලබා ගත්තා.

 


පසුව ඇය ගොෆ්ලෝ, ටී.ආර්.එක්ස් පුහුණුව, ටී.ආර්.එක්ස් රිප් පුහුණුව සහ පූර්ව හා පශ්චාත් නේටල් පුහුණුව පිළිබඳ සහතික ලබා ගත්තාය. ඇය ඕස්ට්‍රේලියාවේ වික්ටෝරියා විශ්ව විද්‍යාලයෙන් ආහාර විද්‍යාව හා තාක්‍ෂණය පිළිබඳ විද්‍යාවේදී උපාධියක්ද ලබා ගත්තා.

ඇගේ සහතික හා සුදුසුකම් ඇයට බ්‍රේක් තෲ ආරම්භ කිරීමට උපකාරී විය. ශ්‍රී ලංකාවට ගොෆ්ලෝ පුහුණුව ප්‍රථම වරට හඳුන්වා දුන්නේද ඇගේ බ්‍රේක් තෲ යෝග්‍යතා මධ්‍යස්ථානය හරහායි. ඇය යෝග්‍යතා ක්‍ෂේත්‍රය තුළ මේ වන විට සාර්ථකත්වයට පත්ව ඇත.

ඔබ කරන දේ ගැන ඔබ දැඩි උනන්දුවක් හා ඒ පිළිබඳව වැඩිදුරටත් අධ්‍යයනය කරන්නේ නම්, ඕනෑම බාධකයක් ධනාත්මකව ජය ​​ගැනීමට ඔබට හැකි වනු ඇත.

 

 

 

 

 

 

by Kaushalya De Silva

Photo source : Interent

views

144 Views

Comments

subscribe
arrow-up