වෙරළ පුස්තකාලය

ජනප්‍රවාදයේ පවතින කියවීම මිනිසා සම්පූර්ණ කරයි යන කියමන සනාථ කරමින් ඇත්තටම මිනිසාගේ ජීවිතය කියැවීම තුළින් සාර්ථක කර ගත හැකි බව විවිධ අධ්‍යාපනඥයින්, පර්යේෂකයන් තහවුරු කර තිබේ. ජාති භේද හා ආගම් භේද නැතිව වයස් සීමා නැතිව පොදුවේ කාටත් කළ හැකි මිනිස් ක්‍රියාකාරකමක් ලෙස කියවීම සැලකේ. නමුත් තාක්ෂණය දියුණු වීම නිසා අද වන විට කියවීම මිනිසාගෙන් බැහැරට යන මාතෘකාවක් වී තිබේ. එලෙස පවතින යුගයක ජර්මානු ගෘහ නිර්මාණ ශිල්පියෙකු වන හර්මන් කොම්පෙර්නාස් විසින් ඉදිකරන ලද අපූරු පුස්තකාලයක් පිළිබඳ සටහනක් මෙහි දැක්වේ.
ලෝකයේ පිළිගත් භාෂා 15 කින් ලියැවුණු පොත් 6000ක එකතුවකින් යුතු මේ පුස්තකාලය පිහිටා ඇත්තේ ඉතා සුන්දර වෙරළ තීරයක, එළිමහනේ වීම මෙහි විශේෂත්වයකි. මේ අපූරු වෙරළ පුස්තකාලය තියෙන්නෙ බල්ගේරියාවේ කළු මුහුද අසල නිවාඩු නිකේතනයක් වන ඇල්බේනා හි ය. එය යුරෝපා සංගමයේ පළමු වෙරළ පුස්තකාලය ද වන්නේ ය.

පොත් 4000කට වඩා වැඩි සංඛාවක් ඇති මෙම පුස්තකාලය පිහිටා ඇත්තේ වෙරළේය. එහි ලොව පුරා විවිධ භාෂා 15ක පොත් 2500කුත් ඉංග්‍රීසි භාෂාවෙන් තිබෙන අතර මෙම වෙරළ පුස්තකාලයේ ඇති සෑම පොතකම එය ලියා ඇති භාෂාවේ ජාතික ධජයක සලකුණ සටහන් කර තිබේ. මෙම වෙරළ පුස්තකාලය දිග මීටර් 12ක් වන අතර එහි රාක්ක 140ක් තිබේ. එය පුද්ගලයන්ට පහසුවෙන් ප්‍රවේශ විය හැකි ලෙසින් නිමවා ඇත. මෙම පොත් එකතුව තැබීම සඳහා ඇති සුදු පැහැයෙන් යුතු රාක්ක 140ක් හිරු රශ්මියට, සුළඟට හා වැස්සට ප්‍රතිරෝධී වන විශේෂ ද්‍රව්‍යයකින් නිර්මාණය කර තිබෙන අතර වර්ෂා අවස්ථාවන් වලදී එම පොත් පෙට්ටි වයිනයිල් ආවරණයක් මඟින් ආරක්ෂා කර තිබේ.
 

මෙම වෙරළ පුස්තකාලයට එන අයෙකුට තමන්ට මුහුදේ පීනල ඇවිත් ගත කරන විවේකයේ දී මේ වෙරළ පුස්තකාලයේ තිබෙන පොත් පරිශීලනය කළ හැක. යම් විදියකින් සම්පූර්ණයෙන් කියවලා ඉවර කරන්න බැරි වුණ අයෙකු වේ නම් එම පොත කියවා යළි ගෙනත් දෙන පොරොන්දුවක් පිට ගෙදර රැගෙන යාමටත් ඔහුට හෝ ඇයට අවසරය හිමිවෙනවා.

මෙම ඇල්බෙනා බීච් පුස්තකාලය සංචාරකයන්ගේ ගිම්හාන නිවාඩු කාලය තුළ ඔවුන් අතර කියවීම වැඩි දියුණු කිරීම සඳහා නිර්මාණය කර ඇති අතර එම පුස්තකාලය නිරන්තරයෙන් පුළුල්වේ. මේ නිසාම එහි පැමිණෙන අමුත්තන්ට ඔවුන්ගේ පොත් අන් අයට භුක්ති විඳීමට පරිත්‍යාග කිරීමට දිරිගන්වන්නේ කිසිදු ගාස්තුවක් අය නොකරයි.

 

 

 

 

 

by Dilki Shamani

Photo source : Internet