වඳුරන් ක්ලෝනකරණයට

යම් සත්වයකුට සර්වසම බාහිර ලක්ෂණ සහිතව තවත් සත්වයකු නිර්මාණය කිරීමේ විද්‍යාව ක්ලෝනකරණය ලෙස සරලව හඳුන්වනු ලැබේ. 1996 දී ඩොලී නම් බැටළුවා ක්ලෝනකරණයට ලක්කළ තාක්ෂණයම යොදාගනිමින් ඉතිහාසයේ ප්‍රථම වතාවට වඳුරන් දෙදෙනකු සාර්ථකව ක්ලෝනකරණය කිරීමට චීන විද්‍යාඥයන් පිරිසක් සමත්ව ඇත.

එකිනෙකාට සෑම අතින්ම සර්වසම ලක්ෂණ පෙන්වන සොන් සොන් හා හුවා හුවා යන නම් වලින් හඳුන්වන මෙම සතුන් දෙදෙනා චීනයේ විද්‍යාගාරයක උපත ලැබූ බව මාධ්‍ය වාර්තා කර ඇත.මිනිසුන්ට වැළඳෙන රෝග සඳහා ප්‍රතිකාර කිරීමට ජානමය අතින් සර්වසම මෙවැනි වානර ගහනයන් යොදාගත හැකිබව විද්‍යාඥයෝ පවසති. ජානමය පදනමක් සහිත පිලිකා, පරිවෘත්තීය රෝග සහ ප්‍රතිශක්තිය ආශ්‍රිත රෝග සම්බන්දයෙන් මෙලෙස ක්ලොනකරණයට ලක්කළ වඳුරන් යොදාගෙන අධ්‍යයන කළහැකි බව ඔවුහු පෙන්වා දෙති. චීන ස්නායු විද්‍යා විද්‍යා ඇකඩමියේ කියැං සන් පැවසුවේ ක්ලෝන කරන ලද වඳුරන් සමහර පිළිකා, පරිවෘත්තීය හා ප්‍රතිශක්තිකරණ ආබාධ ඇතුළු ජානමය පදනමක් ඇති රෝග අධ්‍යයනය කිරීම සඳහා ආදර්ශයක් ලෙස ප්‍රයෝජනවත් වනු ඇති බවයි. "ප්‍රාථමික ජීව විද්‍යාව පිළිබඳ ප්‍රශ්න රාශියක් මෙම අතිරේක ආකෘතියෙන් අධ්‍යයනය කළ හැකිය," ඔහු පැවසීය.

 

එහෙත් විචාරකයින් පවසන්නේ මෙහි අවසාන ප්‍රතිඵලය විවාදයට තුඩුදී ඇති ‘මනුෂ්‍ය ක්ලෝනකරණය‘ වියහැකි බවයි. පර්යේෂකයන් පවසන්නේ වඳුරන් බාහිරින් ලබාදෙන කිරි මගින් පෝෂණය කරන අතර දැනට සාමාන්‍යයෙන් වර්ධනය වන බවයි. කෙසේ වුවද චින විද්‍යාඥයින් පවසන්නේ ඉදිරි මාස කිහිපය තුළ මෙසේ ක්ලෝනකරණය කළ තවත් වඳුරන් බිහිකිරීමට සූදානම් කර ඇති බවයි. විවිධ විශේසඥයන් මේ පිළිබඳ විවිධ මත පලකර තිබේ. ඒ අනුව ලන්ඩනයේ ෆ්‍රැන්සිස් ක්‍රික් ආයතනයේ මහාචාර්ය රොබින් ලුවෙල්-බැජ් පැවසුවේ ෂොං ෂොං සහ හුවා හුවා ක්ලෝන කිරීමට භාවිතා කරන තාක්‍ෂණය “ඉතා අකාර්යක්ෂම හා අනතුරුදායක ක්‍රියා පටිපාටියක්” ලෙස පවතින බවයි.

නමුත් මෙම පර්‍යේෂණයට සම්බන්ධ වූ විද්‍යාඥයන් පවසන්නේ එක්සත් ජනපද ජාතික සෞඛ්‍ය ආයතන විසින් සකස් කරන ලද සත්ව පර්යේෂණ සඳහා දැඩි ජාත්‍යන්තර මාර්ගෝපදේශ අනුගමනය කළ බවයි. ෂැංහයි හි චීන විද්‍යා ඇකඩමියේ සම පර්යේෂක ආචාර්ය මුමින් පූ මහතා මෙසේ පැවසීය. “ලෝකයේ ඕනෑම තැනක මානව නොවන ප්‍රයිමේට් භාවිතා කරන අනාගත පර්යේෂණ රඳා පවතින්නේ ඉතා දැඩි ආචාර ධර්ම ප්‍රමිතීන් අනුගමනය කරන විද්‍යාඥයන් මත බව අපි දනිමු." යනුවෙන්. කෙසේ නමුත් මෙම පර්‍යේෂණය ඉදිරියේදී මිනිසාට වඩාත් ප්‍රයෝජනවත් වනු ඇත.

 

 

 

 

 

 

by Dilki Shamani

photo source : Internet