එංගලන්තයේ ගල් අඟුරු පතල් වල අවසානය

ඩර්හැම් ප්‍රාන්තයේ බ්‍රැඩ්ලි පතල වසර 200 කට ආසන්න කාලයක් ක්‍රියාත්මක වේ. නමුත් එයත් දැන් වැසී යමින් පවතී. මෙහි සේවය කරන පතල් කම්කරුවන්ට ඇති විය හැකි නරකම ප්‍රවෘත්තිය මෙයයි. විශේෂයෙන් එක්සත් රාජධානියට තවමත් වසරකට ගල් අඟුරු ටොන් මිලියන අටකට ආසන්න ඉල්ලුමක් පවතින බව ඔවුන් දනී. මෙම ඉල්ලුම ප්‍රධාන වශයෙන් සපුරාගන්නේ රුසියාවෙන් සහ එක්සත් ජනපදයෙන් ආනයනය කිරීමෙනි. ස්කොට්ලන්තයේ සහ වේල්සයේ තවමත් කුඩා පතල් අතලොස්සක් ක්‍රියාත්මක වේ.

එංගලන්තයේ ගල් අඟුරු කර්මාන්තය වසර ගණනාවක් තිස්සේ පහත වැටී ඇත. පතල් කම්කරුවන්ගේ වැඩ වර්ජන, 1980 ගණන්වල මහා පරිමාණයේ පාගමන සහ වළවල් වැසීමට එරෙහිව සටන් කිරීම නිසා එය සුරැකිය නොහැකි වූ අතර එතැන් පටන් එය ක්‍රමයෙන් දුර්වල වෙමින් තිබේ. උතුරු යෝක්ෂයර් හි කෙලින්ලි හි අවසන් ගැඹුරු පතල මීට වසර පහකට පෙර වසා දමන ලදී. එතැන් සිට කුඩා පරිමාණයෙන් ගල් අඟුරු පැමිණියේ බ්‍රැඩ්ලි වැනි විවෘත වාත්තු පතල් වලිනි.

කොන්සෙට් හි තවමත් ගල් අඟුරු ඇත. නමුත් බැංකු සමූහයේ හිමිකරුවන් පවසන්නේ ඔවුන්ගේ ක්‍රියාකාරිත්වය දීර්ඝ කළ හැකි නම් එය වාණිජමය වශයෙන් පමණක් බවයි. පාරිසරික උද්ඝෝෂකයෝ එම වාණිජ සැලසුම් වලට එරෙහිව සටන් කොට ජය ගත්හ. ඊසානදිග දේශගුණික ක්‍රියාකාරිනියක වන ජෙසිකා මැඩිසන් එම ස්ථානයේ උද්ඝෝෂණ වලට සහභාගී වී මෙසේ පවසයි. "අප පුනර්ජනනීය බලශක්තිය සඳහා මෙම සංක්‍රාන්තිය කළ යුතු අතර, අපට කළ හැකි දේ කළ යුතුව ඇත්තේ මෙම පෘථිවියේ අපගේ ජීවිත අවදානමට ලක්ව ඇති හෙයිනි. ආර්ථික දියුණුව යනු මියගිය ග්‍රහලෝකයක කිසිවක් සඳහා නොවේ." බ්‍රැඩ්ලි හි පතල ක්‍රියාත්මක කරන බැංකු සමූහය, නිවාස, ප්‍රජාවන් සහ පළාත් පාලන රාජ්‍ය ලේකම් රොබට් ජෙන්රික් නොර්තම්බර්ලන්ඩ් හි හයිතෝර්න් හි නව පතලක් සඳහා වන සැලසුම් ඉදිරියට යා හැකිද යන්න තීරණය කිරීම සඳහා මඟබලා සිටී.
 

එයට අනුමැතිය ලැබුණහොත්, ඉංග්‍රීසි පතල් කැණීම නැවත ආරම්භ විය හැකි අතර එම වළේ ගල් අඟුරු ටොන් මිලියන 3 ක් නිපදවා රැකියා නිර්මාණය කළ හැක. නමුත් මීට වසර දෙකකට පෙර ජෙන්රික් මහතාගේ පූර්වගාමියා වූ රිෂි සුනක් විසින් මෙම යෝජනාව ප්‍රතික්ෂේප කරන ලදී. පුනර්ජනනීය බලශක්තිය සඳහා සංක්‍රාන්තියක් තිබිය යුතු බව සමාගම පිළිගනී. එහෙත් එය තවමත් අවධාරනය කරන්නේ ගෘහස්ථ ගල් අඟුරු සඳහා කෙටිකාලීන අනාගතයක් තවමත් පවතින බවයි.

බැංකු සමූහයේ ලුවිස් ස්ටොක්ස් මෙසේ පවසයි: "අපි පිරිසිදු දේශගුණයක් කරා ගමන් කිරීමට සහාය දෙමු. අපි දේශගුණික විපර්යාස ප්‍රතික්ෂේප කරන්නන් නොවේ, අපට එය වැටහෙයි. නමුත් කෙටි කාලීන හා මධ්‍ය කාලීනව භාවිතයටඅපට ගල් අඟුරු අවශ්‍ය වේ. ඩර්හැම් ප්‍රාන්තයේ සහ නොර්ටර්ම්බර්ලන්ඩ් හි ගල් අඟුරු කැණීම් අපගේ ඉදිරි වැඩසටහන් ක්‍රියාත්මක කළ යුත්තේ එබැවිනි."
2025 වන විට ගල් අඟුරු රහිත විදුලි නිෂ්පාදනය සඳහා බ්‍රිතාන්‍යය කැපවී සිටී. ගල් අඟුරු සඳහා ඇති ඉල්ලුම නිරන්තරයෙන් පහත වැටීමත් සමඟ, අද බ්‍රැඩ්ලි හැර යන ලොරි, එංගලන්තය මෙතෙක් නිපදවන අවසන් ගල් අඟුරු රැගෙන යනු ඇතැයි සිතිය හැකිය.

 

 

 

 

 

 

 

by Dilki Shamani

source : news.sky.com