ඇමරිකානු ජනාධිපතිවරණයට පෘථිවියට පිටිනුත් ඡන්ද

ලොව වැඩිදෙනාගේ අවධානය දිනාගත් ඇමරිකානු ජනාධිපතිවරණය සේම එරට අමුතු ඡන්දපොළක් පිළිබඳව මින් ඉදිරිපත්වේ. මෙම ජනාධිපතිවරණයේදී විශාල ඡන්ද ප්‍රතිශතයක් වැටුණේ තැපෑලෙන් සහ ඡන්ද දිනයට කලිනි. මේ අතර ඈත අභ්‍යවකාශයේද අමෙරිකානු ඡන්ද පොළක් විවෘත වූයේය. කෙසේ වෙතත් ඔබ ඡන්දය ප්‍රකාශ කිරීම ගැන කතා කළත්, අභ්‍යවකාශයේ සිට ඡන්දය ප්‍රකාශ කිරීමට සමත් වූ මෙම නාසා ගගනගාමියා ඔබ අගය කළ යුතුය.

පැය කිහිපයකට විවෘත වූ මේ ඡන්ද මධ්‍යස්ථානය තිබුණේ අන්තර්ජාතික අභ්‍යවකාශ මධ්‍යස්ථානය තුළය .එහි සිටියේ එකම එක ඡන්ද දායිකාවකි. ඈ කේට් රෑබින්ස් නම් වූ අභ්‍යවකාශගාමිනියයි. ඔක්තෝබරයේ 14 සිට උඩුගුවනේ රැඳී සිටින ඇය අන්තර්ජාතික අභ්‍යවකාශ මධ්‍යස්ථානය වෙත එන්නට පෙර රටින්පිට ඈත ප්‍රදේශවල සිටින ඡන්ද දායකයන්ට ඡන්දය දෙන්නට ඉඩ සලසන ෆෙඩරල් ඡන්ද පෝස්ට් කාඩ් පතක් FPCA, සඳහා ඇයැදුම් කර තිබුණි. ඇගේ තැපැල් ඡන්දය පරිගණක ඔස්සේ අභ්‍යවකාශයට ලැබුණු අතර කේට් තනිවම රහසිගතව ඡන්දය ප්‍රකාශ කළාය. මේ සඳහා සිය සමූහ ලැගුම් කාමරය ඇය තාවකාලික ඡන්ද මධ්‍යස්ථානයක් බවට වෙස් පෙරළාගන තිබුණේ එහි දොරටුවේ “අයි එස් එස් ඡන්ද කුටිය” - "ISS Voting Booth.” යැයි අතින් ලියූ බෝඩ් ලෑල්ලක්ද එල්ලා ගත්තාය. කේට් රූබින්ගේ ඡන්දය අයත්වන්නේ ටෙක්සාස් ප්‍රාන්තයටය. ඒ සියලු අභ්‍යවකාශගාමීන් පුහුණුව සඳහා හූස්ටන් හි ලියාපදිංචිව ඇති නිසාය. කේට් උඩුගුවනේ සිට ඡන්දය දෙන්නට පළපුරුදුකාරියකි. ඇය 2016 ජනාධිපතිවරණයේදීත් ඡන්දය දුන්නේ “අයි එස් එස්” ඡන්ද කුටිය තුළදීය.

 

අභ්‍යවකාශයේ සිට ඡන්දය ප්‍රකාශ කිරීම සඳහා රූබින්ස් සමඟ එක්වීමට ස්පේස්එක්ස් ක්‍ර rew -1 මෙහෙයුමේ එක්සත් ජනපද ගගනගාමීන් අයිඑස්එස් වෙත නාසා ආයතනය අපේක්ෂා කළ නමුත් ඔවුන්ගේ මෙහෙයුම නොවැම්බර් මුල සිට නොවැම්බර් මැද දක්වා ප්‍රමාද වී ඇති බැවින් ඔවුන්ට දැන් පෘථිවියේ සිට ඡන්දය ප්‍රකාශ කළ හැකිවිය. ටෙක්සාස් හි අභ්‍යවකාශයෙන් ඡන්දය ප්‍රකාශ කිරීමට නීත්‍යානුකූලව අවසර දීම සඳහා පනතක් සම්මත වූ 1997 සිට අභ්‍යවකාශයේ ඡන්දය ප්‍රකාශ කිරීමට හැකි වී තිබේ. එතැන් සිට නාසා ගගනගාමීන් කිහිප දෙනෙකු මෙම ප්‍රජා යුතුකම කක්ෂයේ සිට ක්‍රියාත්මක කර ඇත. 2024 දී චන්ද්‍රයාට ගගනගාමීන් යවා අවසානයේදී අඟහරු ග්‍රහයා වෙත යැවීමට නාසා කටයුතු කරන බැවින් අභ්‍යවකාශයේ ඡන්දය දීමට කැමති ගගනගාමීන්ට හැකි බව සහතික කිරීමට ආයතනය සැලසුම් කරයි. ඒ අනුව ඇමරිකානුවන් සෞරග්‍රහ මණ්ඩලයේ කොහේ සිටියත් ඔවුන්ට සිය ඡන්දය ප්‍රකාශ කිරීමේ හැකියාව ඇත.

 

 

 

 

 

 

 

 

by Dilki Shamani

Photo source : Internet