පරිශිලකයන් Whatsapp අත්හරී

WhatsApp හි බොහෝ පරිශීලකයින් මෙම ක්ෂණික ජංගම පණිවුඩකරණ යෙදුම ගැන නැවත සලකා බලමින් සිටින අතර, ෆේස්බුක් සමූහ සමාගම විසින් යෝජනා කරන ලද ප්‍රතිපත්තිමය වෙනස්කම් පිළිබඳව අධ්‍යයනය කරමින් සිටින බවද සදහන් වේ.

 

Whatsapp භාවිතා කරන්නන් 1,500 ක් ආවරණය කරමින් සයිබර් මීඩියා රිසර්ච් (සීඑම්ආර්) විසින් කරන ලද අධ්‍යයනයකින් හෙළි වී තිබෙන්නේ Whatsapp භාවිතා කරන්නන්ගෙන් 79% ක් (ප්‍රතිචාර දැක්වූවන්) එය නැවත සලකා බලමින් සිටින බවත්, නව ප්‍රතිපත්තිය 2021 මැයි මාසයේදී ක්‍රියා කිරීමෙන් පසු 28% ක් පමණ WhatsApp අතහැර යාමට සැලසුම් කර ඇති බවත්ය.

 

 

"පාරිභෝගිකයින් සඳහා, WhatsApp ඔවුන්ගේම, නිදහස් හා සමීප පණිවුඩකරණ වේදිකාවක් විය. එහි වෙළඳනාම විශ්වාසය හා සන්නාම පක්ෂපාතිත්වය නැතිවී යාමේ අවදානමක් ඇත" - සීඑම්ආර් කර්මාන්ත බුද්ධි අංශ ප්‍රධානී ප්‍රභා රාම් නිවේදනයක් නිකුත් කරමින් කියා සිටියේය.

 

මෙම මස මුලදී, Whatsapp විසින් සිය සේවා කොන්දේසි සහ පෞද්ගලිකත්ව ප්‍රතිපත්තියේ යාවත්කාලීනයක් පිළිබඳව පරිශීලකයින්ට දැනුම් දුන්නේ එය පරිශීලක දත්ත සකසන ආකාරය සහ ෆේස්බුක් සමඟ හවුල්කරුවන් සමාජ මාධ්‍ය දැවැන්තයින්ගේ නිෂ්පාදන හරහා ඒකාබද්ධ කිරීම් ලබා දීම සඳහා ය. වට්ස්ඇප් භාවිතය දිගටම කරගෙන යාම සඳහා 2021 පෙබරවාරි 8 වන විට පරිශීලකයින්ට නව නියමයන් හා ප්‍රතිපත්තියට එකඟ විය යුතු බව ද එහි වැඩිදුරටත් සඳහන් විය. කෙසේ වෙතත්, ජංගම පණිවුඩකරණ යෙදුම එහි නව රහස්‍යතා ප්‍රතිපත්තිය සහ සේවා කොන්දේසි සම්බන්ධයෙන් දෝෂයන්ට මුහුණ දීමෙන් පසුව එම යාවත්කාලීන කිරීම මැයි මාසයට කල් දමා ඇත.

 

 

වට්ස්ඇප් හි 'එය ගන්න හෝ එය අත්හරින්න' යන ප්‍රතිපත්තියට ප්‍රතිචාර වශයෙන් පාරිභෝගිකයින් කෝපයට පත්වීම ( 49 % ක්), නැවත වරක් වට්ස්ඇප් විශ්වාස නොකිරීම ( 45 % ක්), විශ්වාසය කඩවීමක් දැනීම (35 % ක්) ප්‍රතිශතයක් ලෙස අධ්‍යයනයන්ගෙන් අනාවරණය වී ඇත. නව ප්‍රතිපත්ති නිවේදනය ගැන පාරිභෝගිකයින්ගෙන් 10 % ක් පමණක් නොසැලකිල්ලක් දක්වයි. ප්‍රතිචාර දැක්වූවන්ගෙන් 39 % ක් පමණ දැනටමත් Telegram (ටෙලිග්‍රම්) ක්ෂණික පණිවිඩ යෙදුමක් භාවිතා කරමින් සිටියි. අධ්‍යයන ප්‍රතිඵල වලට අනුව, සමීක්ෂණයට ලක් වූවන්ගෙන් 41% ක් ටෙලිග්‍රම් වෙත මාරු වීමට සැලසුම් කර ඇති අතර, 35% ක් කැමති Signal යන යෙදුමටයි. දැනුවත්භාවය ( 55 % ක්) සහ තථ්‍ය භාවිතය (39 % ක්) ම ටෙලිග්‍රම් යෙදුම Signal යෙදුමට වඩා ඉදිරියෙන් සිටින බවද අධ්‍යයනයන්ගෙන් වැඩිදුරටත් අනාවරණය වේ.

 

පසුගිය වසරක කාලය තුළ, පරිශීලකයින්ගෙන් 37 % ක් පමණ ටෙලිග්‍රම් භාවිතා කර ඇති බව සොයා ගත් අතරම එය සිග්නල් සඳහා 10 % ක් පමණක් වූ බවත් පැවසේ.

 

 

“අපගේ පර්යේෂණයන් පෙන්වා දෙන්නේ ටෙලිග්‍රම්, විශේෂයෙන්ම, පසුගිය වසර පුරා පරිශීලකයින් අතර බලපෑමක් ඇති කර ඇති බවයි. සිග්නල් එහි ජනප්‍රියතාවයේ මෑත කාලීනව යම් මට්ටමකින් ඉහළ යාමක් භුක්ති විඳ ඇතත්, එය ප්‍රමාණවත් තරම් වේගයෙන් පරිමාණය කිරීමට නොහැකි වී ඇති අතර පරිශීලකයින් ඒ සමඟ අභියෝගයන්ටද මුහුණ දී තිබේ" යනුවෙන් රාම් තවදුරටත් පැවසීය.

 

සමීක්ෂණයට ලක් වූවන්ගෙන් 50 % කට ආසන්න සංඛ්‍යාවක් නොදන්නා අංක වලින් සැක සහිත පණිවිඩ හා විවිධ වූ කඩාකප්පල්කාරී ලින්ක් ලැබී ඇති අතර ඒවා තුළින් පරිශීලකයින්ගේ දත්ත සොරා ගැනීමට උත්සාහයක යෙදෙන බවද, මෙහි බලපෑම වයිට්සැප් භාවිතා කරන්නන් අතර ඇතිවීමේ ප්‍රවණතාව ඉහළ මට්ටමක පවතී. (එය 52 % කි), ටෙලිග්‍රම් භාවිතා කරන්නන් අතර අවම ( 28 % ක්) ද බව අධ්‍යයනන් පවසයි.

 

 

 

 

 

 

by Kaushalya De Silva

Photo source : Internet