අකුරැස්සේ වෙඩි තැබීමට සම්බන්ධ සැකකරුවන් රිමාන්ඩ්

අකුරැස්සේදී පොලිස් නිලධාරීන් දෙදෙනෙකුට වෙඩි තබා තුවාල සිදු කළ සහ පානදුර පොලිස් ස්ථානයේ ටී 56 ගිනිඅවි දෙකක් සොරා ගැනීමට අදාළ සැකකරුවන් 06 දෙනා රක්ෂිත බන්ධනාගාරගත කර තිබෙනවා.

 

ඒ, එම සැකකරුවන් ඊයේ පස්වරුවේ මාතර වැඩබලන මහේස්ත්‍රාත්වරයා හමුවට ඉදිරිපත් කිරීමෙන් අනතුරුවයි.

 

සැකකරුවන් ලබන 25 වන දා දක්වා රක්ෂිත බන්ධනාගාරගත කිරීමට එහිදී වැඩබලන මහේස්ත්‍රාත්වරයා නියෝග කළා.

 

සැකකරුවන් අතර පානදුර යුද හමුදා කඳවුරේ සෙබළුන් දෙදෙනෙකු ද වනවා.

 

ඔවුන් අතුරින් පොලිස් නිලධාරීන් දෙදෙනාට වෙඩි තැබූ බවට සැක කරන සැකකරුවන් 3 දෙනා හඳුනා ගැනීමේ පෙරට්ටුවක් සඳහා ඉදිරිපත් කිරීමට නියමිතයි.