කෝලා පැටවුන් බේරාගැනීමේ සුනඛ මෙහෙයුම

ඉකුත් වසරේදී ක්වීන්ලන්ඩ් සහ නිව් සවුත් වේල්ස්හි සිටි කෝලා සතුන් ගණනක් ලැව් ගිනිවලින් මියගියහ. මේ ලැව්ගිනි හෙක්ටයාර් මිලියන 11ක භූමි ප්‍රමාණයක් දවා හළු කළ අතර, බිලියන ගණනක වනසත්තු මරුමුවට පත්වූහ. එබැවින් එය ඕස්ට්‍රේලියාවේ 'කළු ග්‍රීෂ්මය' යනුවෙන් නම්කෙරිණි. එලෙස ඕස්ට්‍රේලියාවේ වනාන්තරවල ලැව්ගිනිවලට හසු වී, තුවාල ලබා, පිළිස්සී සිටින කෝලා සතුන් බේරාගැනීම සඳහා එරට විද්‍යාඥයින් විශේෂයෙන් ඉව ඇල්ලීමට පුහුණු කරන ලද සුනඛයන් යොදාගෙන තිබේ.

පසුගිය වසරේ ග්‍රීෂ්ම සෘතුවේ සිට මේ වසරේ මුල් භාගය දක්වා සුනඛයන් යොදාගැනීමෙන් කෝලා සතුන් 100කට වැඩි පිරිසක් බේරාගැනීමට හැකි වී ඇතැයි පැවසේ. මේ සඳහා චාලි, බිලී ජීන්, බෙයා, මායා සහ බැක්ස්ටර් යනුවෙන් නම් කරන ලද සුනඛයන් යොදාගෙන ඇත. ලැව් ගින්නෙන් හෙක්ටයාර 1000 න් 85% ක් විනාශ වීමට පෙර කෝලා 20-40 ක් වාසය කළ ස්වදේශික ආරක්ෂිත ප්‍රදේශයක් වන එන්ගුන්යා ජාගූන් හි සජීවී කෝලා වල සුවඳ දැනීමට බෙයාට හැකි වූ බව වාර්තා වෙනවා.

 

තවත් හඳුනාගැනීමේ සුනඛයෙකු වන ටේලර් සහ ජෝයි විසින් කෝලා අටක් සොයා ගැනීමට සහාය වූ අතර, දින තුනක් පුරා පෝට් මැකවරි හි ස්ථානගත කර ඇති අතර, ටේට් සත්ව පුහුණු ව්‍යාපාරයේ රයන් සහ ජෙනිෆර් ටේට් ප්‍රකාශ කරතිබේ. ටේලර් 4 හැවිරිදි ස්ප්‍රින්ගර් ස්පැනියල් වන අතර ඔහු පසුගිය වසර තුනක කාලය තුළ කෝලා සහ අනෙකුත් දේශීය සතුන් සොයා වෘත්තීය සංරක්ෂණ සුනඛයෙකු ලෙස සේවය කරමින් සිටින බව ඔවුන් පැවසී. මෙලෙස සුනඛයන්ගේ සහය ඇතිව සොයාගන්නා අනතුරට පත් සතුන්ට ප්‍රතිකාර ලබාදීමෙන් පසු යලි සුරක්ෂිත ස්ථාන වෙත ඔවුන් යොමුකිරීමට සත්ව බලධාරීන් ක්‍රියා කරයි.

මේ වසරේ අවසාන මාස කිහිපයේ දී එළඹෙන ග්‍රීෂ්ම සෘතුවේ ඇතිවිය හැකි ලැව් ගිනි පාලනය කිරීමට මුදවාගැනීමේ නිලධාරීන් සූදානම්ව සිටින අතර, හෙක්ටයාර ගණනක් පුරා වෙසෙන කෝලා සතුන්ගේ වාසස්ථාන ලැව්ගිනි වලට හසුවිය හැකි බවට ඔවුහු අනතුරු අඟවති. ඕස්ට්‍රේලියාවේ ක්වීන්ලන්ඩ් ප්‍රදේශයේ ලැව්ගිනිවලට හසු වූ කෝලා සතුන් බේරාගැනීම සඳහා වැඩි දක්ෂතාවක් පෙන්වූ 'බෙයා' නම් සුනඛයා නැවත යොදාගැනීමට නියමිතය. සත්ව විශේෂඥයන් පවසන පරිදි නිව් සවුත් වේල්ස් හි කෝලා 350 කට වැඩි ප්‍රමාණයක් බුෂ් ගිනිවලින් මිය යනු ඇතැයි වාර්තා වේ. මෙවැනි ඉතා සූක්ෂම ක්‍රම භාවිතා කරමින් ඕස්ට්‍රේලියානු බලධාරීන් එරට වාර්ශිකව අනතුරට පත්වන කෝලා සතුන් බේරාගැනීමේ මෙහෙයුම් වල නිරතව සිටී.

 

 

 

 

 

 

 

by Dilki Shamani

Photo source : Internet