ලෝකයේ ලොකුම බීජ සුරක්ෂිතාගාරය

ආක්ටික් කවයට කිලෝමීටර් 1300 ක් ඔබ්බෙන් වූ පර්මාෆ්‍රොස්ට් හි උතුරු දෙසට වන්නට 2008 පෙබරවාරි මාසයේදී නෝර්වීජියානු රජය විසින් විවෘත කරන ලද ලොව විශාලතම ආරක්ෂිත බීජ ගබඩාව වේ. ලොව පුරා සිට බීජ පෙට්ටි මෙහි ආරක්ෂිතව හා සුරක්ෂිතව සඳහා යවනු ලැබේ. නෝර්වේ ස්වැල්බාර්ඩ්හි පිහිටි බීජ සුරක්ෂිතාගාරයේ මේ වන විට තැන්පත් කර ඇති බීජ වර්ග සංඛ්‍යාව දශලක්ෂය ඉක්මවා ඇති බව වාර්තා වේ. ලෝකයේ තිබෙන උසස් තත්ත්වයේ බීජ සුරක්ෂිත කිරීම සඳහා ස්ථාපනය කරන ලද මෙම සුරක්ෂිතාගාරය අති නවීන තාක්ෂණය යටතේ නිර්මාණය කර ඇති අතර ශීතාගාර තුල විශේෂිත තත්ත්ව යටතේ සුරක්ෂිතව ගබඩා කිරීමට සකස් කර ඇත.

"ග්ලෝබල් සීඩ් වෝල්ට්" යන නමින් හඳුන්වන මෙම සංරක්ෂණාගාරයේ ලෝකයේ දුර්ලභ බීජ වර්ග, ප්‍රධාන ධාන්‍ය වර්ග හා අසාමාන්‍ය බෝග වර්ග ගබඩා කරන බව සඳහන් වේ. ප්‍රධාන කුටීර තුනකින් සමන්විත මෙහි එක් කුටීරයක් සම්පූරණයෙන්ම බීජ වර්ග වලින් පුරවා අවසන්ව ඇත. අනාගතයේ යම් දිනක නියඟයකින් හෝ කාලගුණ විපර්යාසයකින් බෝග වර්ග විනාශ වීමකට ලක්වුවහොත් ප්‍රයෝජනයට ගැනීම සඳහා මෙවැන්නක් නිර්මාණය කිරීමට අදහස් කළ බව එහි නිර්මාපකයෝ පවසති. ලෝකයේ බොහෝ බීජ බැංකු වල සංරක්ෂිත නියැදියන් මෙහි ගබඩා කර ඇති අතර විද්‍යාඥයන් පවසන්නේ මෙහි බීජ වර්ග ලක්ෂ 22ක් පමණ ගබඩා කිරීමට පහසුකම් ඇති බවයි.
 

මෙහි බෝංචි, තිරිඟු සහ සහල් වැනි අත්‍යවශ්‍ය ආහාර බෝග වර්ග දස දහස් ගණනක බීජ රඳවා තබා ඇත. සමස්තයක් ලෙස ගත් කල, සුරක්ෂිතාගාරයේ දැන් ශාක විශේෂ 4000 කට වැඩි ප්‍රමාණයක් ඇත. මෙම බීජ සාම්පල ජාතික, කලාපීය සහ ජාත්‍යන්තර ජාන බැංකුවල බීජ සාම්පල ගබඩාවල අනුපිටපත් වේ. මෙම බීජ බැංකුව කෘෂිකාර්මික හා ආහාර අමාත්‍යාංශයට පවරා ඇති මෙහෙයුම් සඳහා වගකීම දරමින් නෝර්වීජියානු රජය විසින් පූර්ණ අරමුදල් සපයනු ලැබේ. අමාත්යාංශය නෝර්ඩික් ජාන සම්පත් මධ්යස්ථානය සහ ගෝලීය බෝග විවිධත්ව භාරය සමඟ දෛනික මෙහෙයුම් කටයුතු සම්බන්ධීකරණය කරන අතර බීජ බැංකුවට උපදෙස් දීම සඳහා පිහිටුවා ඇති කැපවූ ජාත්යන්තර කවුන්සිලයකින් මග පෙන්වීම ලබා ගනී. මේ අනුව ගබඩා කිරීමේ පහසුකම තුළ ලොව විශාලතම බීජ සාම්පල එකතුව අඩංගු වේ. බීජ සුරක්ෂිතාගාරය ස්ථාපිත කිරීමෙන් නෝර්වේ සමාගම කිසි විටෙකත් සම්පූර්ණ නොකරන ගෝලීය කාර්යයක් භාරගෙන තිබේ. මෙම වගකීම කළමනාකරණය කිරීමට ඇති හොඳම ක්‍රමය සදාකාලික දෘෂ්ටිකෝණයකින් එය පවත්වාගෙන යාමයි.

 

 

 

 

 

 

 

by Dilki Shamani

Photo source : Internet