හිම කුණාටුවකින් 242 ක් අතුරුදන් - මළසිරුරු 03ක් හමුවෙයි (PHOTOS)

රුසියාවේ ආක්ටික් නගරයක් වන නොරිල්ස්ක් අසල ඇති වූ හිම කුණාටුවකින් ස්කී රිසෝට් එකක සිටි පුද්ගලයින් තිදෙනෙකු මිය ගොස් තිබෙනවා.

 

 

පුද්ගලයන් 242 ක් සහ වාහන 29 ක් අතුරුදන් වී ඇති අතර සෝදිසි කිරීමේ හා මුදා ගැනීමේ මෙහෙයුම් ක්‍රියාත්මකයි.

 

 

වැඩිහිටියන් දෙදෙනෙකුගේ සහ කුඩා දරුවෙකුගේ මළ සිරුරු සොයා ගත් බව අමාත්‍යාංශය අද නිවේදනයක් නිකුත් කරමින් කියා සිටියා.

 

 

14 හැවිරිදි පිරිමි ළමයෙක් ද හිම කැට අතර සිට සොයා ගෙන රෝහල් ගත කර තිබෙනවා.

 

 

හිම සහ අයිස් යට වළලනු ලැබූ ගොඩනැගිලි හෑරීම සඳහා හදිසි සේවා කාර්ය මණ්ඩලය සහ ස්වේච්ඡා සේවකයන් රාත්‍රිය පුරා අධික සුළං හා ශීත කාලගුණ තත්වයන් සමඟ පොරබදමින් සිටිනවා.

 

 

හිම කුණාටු සහ තද සුළං ඇතුළු අයහපත් කාලගුණික තත්ත්වයන් නිසා බේරා ගැනීමේ කාර්යය සංකීර්ණ වී ඇති බව හදිසි සේවා අංශ නිවේදනයක් නිකුත් කරමින් කියා සිටී.

 

 

රුසියාවේ විමර්ශන කමිටුව කියා සිටියේ ආක්ටික් කවය තුළ කිලෝමීටර් 300 ක් (සැතපුම් 190 ක්) දුරින් පිහිටි 180,000 ක් දුර බැහැර නගරයක් වන නොරිල්ස්ක් හි එම ස්ථානයට රජයේ නිලධාරීන් යවා ඇති බවයි.

 

 

ගොඩනැගිලිවල අයිතිකරුවන්ට ප්‍රමාණවත් ආරක්ෂක පියවරයන් තිබේද යන්න තීරණය කිරීම සඳහා අපරාධ පරීක්ෂණයක් ද ආරම්භ කර තිබෙනවා.

 

ගිලී ගිය ගොඩනැගිලි හතර අයිති කාටද යන්න තීරණය කිරීමට තවමත් උත්සාහ කරමින් සිටින බවයි විදෙස් මාධ්‍ය වාර්තා කරන්නේ.

 

මෙම හිම කුණාටුව වර්ග මීටර් 300 ක මුළු භූමි ප්‍රදේශයක් පුරා පැතිරී ඇති බව ගෝරා ඔට්ඩෙල්නායා නිවාඩු නිකේතන සංකීර්ණයේ කළමනාකාරිත්වය පවසයි.