වහාම ක්‍රියාත්මක වන පරිදි බන්ධනාගාර වෙත රැඳවියන් මාරු කිරීම අත්හිටුවයි

කොරෝනා වයිරස තත්ත්වය හේතුවෙන් දිවයිනේ බන්ධනාගාර වෙත රැඳවියන් මාරු කිරීම වහාම ක්‍රියාත්මක වන පරිදි අත්හිටුවීමට තීරණය කර ඇති බව බන්ධනාගාර මූලස්ථානය සඳහන් කරයි.

 

කන්දකාඩුවේ සිට වැලිකඩ බන්ධනාගාර වෙත එවන ලද රැඳවියෙකුට කොරෝනා ආසාදනය වී ඇති බවට ඉකුත් 7 වැනිදා සොයා ගැනීමත් හා ආශ්‍රීතයෙකු ඉකුත් 11 දා හමුවීමත් සමඟම මෙම තීරණය ගෙන ඇත.

 

මේ වනවිට වැලිකඩ බන්ධනාගාරයේ සිටි පී සී ආර් පරීක්ෂණයට ලක්කළ රැඳවියන් 444 දෙනෙක් නිරෝධායනය සඳහා කන්දකාඩු නිරෝධායන මධ්‍යස්ථානය වෙත යවා ඇතැයි බන්ධනාගාර මූලස්ථානය වැඩිදුරටත් සඳහන් කරයි