පිටසක්වට එරෙහිව සටන - ස්කයිලයින් 3

SKYLIN3S ලෙසද හැඳින්වෙන මෙය 2020 වසරේ ඇමරිකානු විද්‍යා ප්‍රබන්ධ ක්‍රියාදාම චිත්‍රපටයකි. එහි තිර පිටපත් ලිවීම හා අධ්‍යක්ෂණය ඔ'ඩොනෙල් විසින් සිදු කරන ලදී. එය Beyond Skyline (2017) හි අනුප්‍රාප්තිකයක් වන අතර ස්කයිලයින් චිත්‍රපට ත්‍රිත්වයේ අවසාන ක්‍රියාදාම පිවිසුමයි. මෙම චිත්‍රපටය 2020 ඔක්තෝබර් 25 වන දින ලන්ඩන් ෆ්‍රයිට්ෆෙස්ට් සිනමා උළෙලේදී තිරගත වූ අතර, 2020 දෙසැම්බර් 18 වන දින එක්සත් ජනපදයේ සිනමාහල්වල සහ ඇපල් ටීවී හි Vertical එන්ටර්ටේන්මන්ට් විසින් නිකුත් කළා.

 

පෘථිවිය මත ඕනෑම ජීවයක් මුලිනුපුටා දැමිය හැකි සුපිරි ආයුධයක් වන "ආමඩා" භාවිතා කරමින් පෘථිවිය විනාශ කිරීමට සැලසුම් කරන චන්ද්‍රයා අසල සිටින ආක්‍රමණිකයින්ට එරෙහිව කැප්ටන් රෝස් කෝර්ලි පෘථිවි ආරක්ෂක බලඇණිය මෙහෙයවන දෙවන චිත්‍රපටයෙන් අවසන් කළ ස්ථානයෙන්ම මෙම චිත්‍රපටයේ ආරම්භය ගෙන තිබෙනවා. රෝස්ගේ යානාව ප්‍රධාන මව් යානා දෙකක් විනාශ කරයි, නමුත් ආමඩා මිනිස් යානා දෙකකට වෙඩි තබා විනාශ කරයි. රෝස්ගේ යානවද අනතුරට පත් වේ. මෙම සිදුවීම් වලින් වසර පහකට පසු, පිටස්තරයෙකු ලෙස ජීවත් වන රෝස් ලන්ඩනයට යන්නේ වෛද්‍ය මැල් ලෙස හදුන්වන වෛද්‍යවරයකු හමුවීමට ය. එයට හේතුව "පයිලට්" ලෙස හදුන්වන පිටසක්වල ඩ්‍රෝනයක් මිනිස් මොළවල තැන්පත් කර ඇති අතර එයින් මිනිසුන්ව පිටසක්වල ජීවීන් ලෙස පරිවර්තනය නැවැත්වීමට දරන උත්සාහයක් ලෙසයි.

 

 

මෙහි ප්‍රධාන චරිත රගපාන, දිවි ගලවා ගත් අයගේ සුපිරි බලැති කපිතාන්වරයෙකු සහ අභාවප්‍රාප්ත ජැරෝඩ් සහ ඉලේන්ගේ දියණිය වන රෝස් කෝර්ලි ලෙස ලින්ඩ්සේ මෝගන්, ලියොන් ලෙස ජොනතන් හොවාර්ඩ්, ඕවන්ස් ලෙස ඩැනියෙල් බර්න්හාර්ඩ්, වෛද්‍ය මෙල් ලෙස රෝනා මිත්‍රා ජේම්ස් කොස්මෝ ග්‍රාන්ට් ලෙස, ජෙනරාල් රැඩ්ෆර්ඩ් ලෙස ඇලෙක්සැන්ඩර් සිද්දිග්, යුවාන් රුහියන් හුවානා ලෙස, ඇලෙක්සි ලෙස අයිවා ඇන්ඩ්‍රෙජෙවයිට්, සමන්ත ජීන් ඉලේන් ලෙස, ට්‍රෙන්ට් කෝලි ලෙස ජෙරමි ෆිට්ස්ජෙරල්ඩ්, ගයිඩ්රේ මොකෙලියුනයිට් ඉසි ලෙස, ෂී ලෙස චා-ලී යූන්, ෆොන්ග් ජියැන්ග් මැට්රියාර්ක් ලෙස, කේට් ලෙස නයෝමි ටැන්කෙල් යන සුප්‍රසිද්ධ රංගන ශිල්පීන් හා ශිල්පිනියන් දායක වේ. මෙම චිත්‍රපටය මේ වන විට ඩොලර් 49,978 ක ආදායමක් වියට්නාමයේදී තිරගත වීම් වලින් ලැබී තිබෙන අතර, සමාලෝචන 21 ක් මත පදනම්ව රොටන් ටොමැටෝස් චිත්‍රපටයට 48% ක අනුමත කිරීමක් මෙම චිත්‍රපටයට ලබා දෙයි. සාමාන්‍ය අගය 5.2 / 10 කි. මෙටාක්‍රිටික් වෙබ් අඩවියෙහි, චිත්‍රපටයේ අගය 100 න් 46 ක් ලබමින් විචාරකයින් 4 දෙනෙකු මත පදනම්ව "මිශ්‍ර හෝ සාමාන්‍ය සමාලෝචන" ලෙස පෙන්නුම් කරයි.

 

 

 

 

 

 

by Kaushalya De Silva

Photo Source : Internet