පාර්ලිමේන්තුව අනිවාර්යෙන්ම මාර්තුවේදී විසුරුවනවා - ජනපති ගෝඨාභය
පළාත් සභා ඡන්දයට පෙර මහ මැතිවරණය පවත්වන බවත් ලබන මාර්තු මාසයේදී පාර්ලිමේන්තුව අනිවාර්යෙන් විසුරුවන බවත් ජනාධිපති ගෝඨාභය රාජපක්ෂ මහතා පැවසුවා.
අද (16) වැනිදා පැවැති පුවත්පත් කතුවරුන්ගේ සහ විද්‍යුත් මාධ්‍ය ප්‍රධානීන්ගේ හමුවේදී ජනාධිපතිවරයා මේ බව කියාසිටියා.
තමාට කටයුතු කරගෙන යාමට ශක්තිමත් ආණ්ඩුවක් අවශ්‍ය බවත් මේ පාර්ලිමේන්තුව තුළ එය කළ නොහැකි බවත් ජනාධිපතිවරයා සදහන් කළා.
කල් දමනු ලැබූ මැතිවරණ සියල්ල පැවැත්වීම තමාගෙත් අගමැතිවරයාගෙත් අදහස බව කී ජනාධිපතිවරයා පළාත් සභා ඡන්දය පැවැත්වීමේ තීරණය ගනු ලබන්නේ පාර්ලිමේන්තුව විසින් බවද ජනාධිපතිවරයා කියා සිටියා.
මහ මැතිවරණයට ඉදිරිපත් වන්නේ කුමන ලකුණකින්දැයි මාධ්‍යවේදීයකු නැගූ ප්‍රශ්නයකට පිළිතුරු දුන් ජනාධිපති රාජපක්ෂ මහතා එය සාකච්ඡා කර තීන්දු කරන බවද කීවේය. අගමැතිවරයා විසින් මැතිවරණ මැතිවරණය මෙහෙයවන ලබන බවත් බැසිල් රාජපක්ෂ මහතා එහි යාන්ත්‍රණය සකස් කරනු ඇති බවත් කී ජනාධිපතිවරයා තමාද ඊට සහාය දෙන බව පැවසුවා.
727 Views
Comments