චීනයට ගුවන් ගමන් තහනමක්!
බ්‍රිතාන්‍ය එයාර්වේස් ගුවන් සමාගම චීනයේ ප්‍රධාන භූමියට සහ ඉන් පිටත සියලුම ගුවන් ගමන් අත්හිටවූ බව නිවේදනය කරනවා.
බ්‍රිතාන්‍ය එයාර්වේස් සමාගම මෙම තීරණයට එළඹෙන්නේ චීනයේ වුහාන් හි ආරම්භ වූ සහ ලොව පුරා ව්‍යාප්ත වී ඇති නව කොරොන වෛරසයට එරෙහිව පියවර ගැනීම සදහායි.
සම්පූර්ණ බ්‍රිතාන්‍ය එයාර්වේස් ප්‍රකාශය කියවන්න:
අත්‍යවශ්‍ය ගමන් හැර අනෙක් සියල්ලට එරෙහිව විදේශ කාර්යාලයේ උපදෙස් අනුව වහාම ක්‍රියාත්මක වන පරිදි චීනයේ ප්‍රධාන භූමියට සහ ඉන් පිටතට යන සියලුම ගුවන් ගමන් අපි අත්හිටුවා ඇත.
අපහසුතාවයට අපි මඟීන්ගෙන් සමාව අයදිමු, නමුත් අපගේ මඟීන්ගේ සහ කාර්ය මණ්ඩලයේ ආරක්ෂාව සැමවිටම අපගේ ප්‍රමුඛතාවයයි.
ඉදිරි දිනවලදී චීනයට හෝ ඉන් පිටතට යාමට නියමිත මඟීන්ට ba.com වෙබ්අඩවිය ඔස්සේ ඒ පිළිබඳ වැඩි විස්තර සොයාගත හැකියි.
මෙයට අමතරව එක්සත් ජනපදය සහ චීන නගර තුනක් වන බීජිං, හොංකොං සහ ෂැංහයි අතර කාලසටහන තාවකාලිකව අඩු කරන බව යුනයිටඩ් එයාර්ලයින්ස් ගුවන් සමාගමද ඊයේ නිවේදනය කළා.
ජනාධිපති ට්‍රම්ප්ගේ පරිපාලන නිලධාරීන් විසින් අඟහරුවාදා එක්සත් ජනපද ගුවන් සමාගම් වෙත ගෙන ඇති ක්‍රියාමාර්ග පිළිබඳව දැනුවත් කර තිබනෙවා. සාකච්ඡාවලදී ධවල මන්දිරය චීනයට යන ගුවන් ගමන් තහනම් කිරීමේ හැකියාව ඇති බව සඳහන් කළ නමුත් ඔවුන් කියා සිටියේ දැන් එවැනි තහනමක් නිකුත් නොකරන බවයි.
දැඩි ක්‍රියාමාර්ග ගත යුතුද යන්න තීරණය කිරීම සඳහා පරිපාලන නිලධාරීන් දිනපතා තත්ත්වය ඇගයීමට ලක් කරන බව සදහන්.
674 Views
Comments