මහර බන්ධනාගාරයේ සිද්ධිය ගැන සජිත් පරීක්ෂණයක් ඉල්ලයි
මහර බන්ධනාගාරයේ ඇතිවූ සිද්ධිය සම්බන්ධයෙන් වෙනම කොමිසමක් පත්කර පරීක්ෂණයක් පවත්වන මෙන් විපක්ෂ නායක සජිත් ප්‍රේමදාස මහතා රජයෙන් ඉල්ලා සිටියේය.
ඒ අද(30) පාර්ලිමේන්තුවේදීය.
මෙම සිද්ධියට හේතු මොනවාදැයි වෙනමම සොයා බැලිය යුතු බවත් වැඩ්දුරටත් විපක්ෂ නායකවරයා පැවසීය.
මේ අතර ලක්ෂ්මන් කිරිඇල්ල මන්ත්‍රීවරයා කියා සිටියේ බෝගම්බර බන්ධනාගාරයේද මෙවැනි සිදුවීම් ඇතිවන බව පෙන්වා දුන්නේය.
මේ අතර මේ පිළිබඳ අදහස් දක්වමින් බන්ධනාගාරවල සිටින ආසාදිතයන් වෙන්කර හඳුනාගැනීමට අවශ්‍ය පියවර ගත් බවත් ප්‍රතිකාර ආදී සියලු දේ ඔවුනට ලබාදුන් බවත් රිමාන්ඩ් බන්ධනාගාරවල තදබදය අඩු කිරීමට අධිකරණ ඇමැති සමග සාකච්ඡා කර මත්ජාවාරම්කරුවන් හා භාවිත කරන්නන් ලෙස දඬුවම් ලැබූවන් අවම වරදවල් කර ඇත්නම් උසාවියට ඉදිරිපත් කර ඇප ලබාදීමට කඩිනමින් කටයුතු යොදන බවත් සුදර්ශනී ප්‍රනාන්දුපුල්ලේ රාජ්‍ය ඇමැතිවරිය ප්‍රකාශ කළාය.
මේ වනවිට මහර ඇතිවූ සිද්ධිය සම්පූර්ණයෙන් පාලනය කර ඇතැයිද මේ පිළිබඳ සොයා බැලීමට රජයට මෙන්ම බන්ධනාගාර අමාත්‍යංශයට ද අවශ්‍ය බවත් මෙයට සම්බන්ධ කවුද යන්න සොයා ඉදිරියේදී මෙවැනි තත්ත්ව අවම කර ගැනීමට කටයුතු කරන බව ද ඇමැතිවරිය කියා සිටියාය.
705 Views
Comments