මැතිවරණය අගෝස්තු 08 ද ?

ඉදිරි පාර්ලිමේන්තු මැතිවරණය පැවැත්වෙන දිනය ගැන අද (03) රැස්වී තීරණය කිරීමට නියමිත බව මැතිවරණ කොමිෂන් සභාව සඳහන් කරනවා.
මැතිවරණ කොමිෂන් සභාව එහි සභාපති මහින්ද දේශප්රියගේ ප්රධානත්වයෙන් ඊයේ (02 ) පස්වරුවේද රැස්වී ඉදිරි මැතිවරණයේ කටයුතු සම්බන්ධව සාකච්ඡා කළා.
පසුගිය අප්රේල් මස 25 වැනි දින පාර්ලිමේන්තුව පැවැත්වීමට නියමිතව තිබූ අතර, කොවිඩ් වසංගත තත්ත්වය හේතුවෙන් එය ජුනි මස 20 වැනිදා පැවැත්වීමට තීරණය කෙරුනා.
නමුත්,රටේ සෞඛ්ය තත්ත්වය යහපත් තත්ත්වයට පත්ව නොතිබුණු බැවින් මැතිවරණ දිනය කල් දැමීමට මැතිවරණ කොමිෂන් සභාව තීරණය කළා.
මැතිවරණ දිනයට එරෙහිව ශ්රේෂ්ඨාධිකරණයේ පෙත්සම් ඉදිරිපත්ව තිබූ අවස්ථාවේ,මැතිවරණ කොමිෂන් සභාව වෙනුවෙන් පෙනී සිටි නීතීඥවරයා අධිකරණයට දන්වා සිටියේ ශ්රේෂ්ඨාධිකරණ තීන්දුව ලබාදෙන දිනයේ සිට දින 60 ත් 70 ත් අතර කාලයක් මැතිවරණය පැවැත්වීමට අවශ්ය බවයි.
ඒ අනුව මහ මැතිවරණය පැවැත්වීමේ දිනය ලෙස උපකල්පනය කළ හැකි වන්නේ අගෝස්තු 08 වැනිදාය.
2019 වසරේ ඡන්ද හිමි නාමලේඛනයට අනුව මෙවර පාර්ලිමේන්තු මැතිවරණයේදී ඡන්දය ප්රකාශ කිරීම සඳහා ඡන්දදායකයන් එක්කෝටි හැටදෙලක්ෂ හැට තුන්දහස් අටසිය අසූපහක් (16263885) සුදුසුකම් ලබා සිටිනවා.
මෙවර පාර්ලිමේන්තු මැතිවරණයේදී මන්ත්රීවරුන් එකසිය අනූහය දෙනෙක් ඡන්දයෙන් තෝරා ගැනෙන අතර, ඒ සඳහා ඉදිරිපත්ව සිටින අපේක්ෂකයන් සංඛ්යාව හත්දාහස් හාරසිය පනස් දෙකකි. පිළිගත් දේශපාලන පක්ෂවලින් අපේක්ෂකයන් තුන්දහස් හයසිය පනස් දෙකක්ද,ස්වාධීන කණ්ඩායම්වලින් අපේක්ෂකයන් තුන්දහස් අටසීයක්ද පාර්ලිමේන්තු මැතිවරණයට තරග කරනවා.
පාර්ලිමේන්තු මැතිවරණය සඳහා වැඩිම අපේක්ෂකයන් සංඛ්යාවක් කොළඹ දිස්ත්රික්කයෙන් තරග කරන අතර,එම සංඛ්යාව නවසිය විසිහතරක් වනවා.
727 Views
Comments