ජනාධිපති අපේක්ෂකයන් අද මැතිවරණ කොමිෂන් සභාවට

ජනාධිපතිවරණයට අදාලව දේශපාලන පක්ෂ නියෝජිතයින් හා මැතිවරණ කොමිෂන් සභාව අතර  විශේෂ සාකච්ඡාවක් අද (14)  පැවැත්විමට නියමිතව තිබේනවා.

 

මැතිවරණ කොමිෂන් සභාවේ සභාපති මහින්ද දේශප්‍රිය මහතා සදහන් කළේ ජනාධිපතිවරණයට පෙර දේශපාලන නියෝජිතයින් සමඟ පවත්වන අවසන් සාකච්ඡාව මෙය බවයි. 

 

ජනාධිපතිවරණ ඡන්ද විමසීම පැවැත්වන දිනයේ කටයුතු සම්බන්ධයෙන් හා ඡන්ද ගණන් කිරිමේ මධ්‍යස්ථානවලට නියෝජිතයින් පත් කිරිම පිළිබඳව අද පැවැත්වෙන සාකච්ඡාවේදී වැඩි අවධානයක් යොමු කිරිමට නියමිතව තිබේනවා.

 

 
මෙම සාකච්ඡාව සදහා මෙවර මැතිවරණයට ඉදිරිපත් වී සිටින අපේක්ෂකයින්ගේ නියෝජිතයින්ට, දේශපාලන පක්ෂවල ‍ලේකම්වරුන්ට සහ පක්ෂ නියෝජිතයින්ට ආරාධනා කර ඇති බව සදහන්.