පිසූ ආහාර අළෙවිසැල් විවෘත කිරිම තවදුරටත් තහනම්

රථවාහන පරීක්ෂා කිරිම් අද (13) සිට වැඩි කරන බව පොලිසිය ප‍්‍රකාශ කළා.

 

ඇඳිරිනීතිය උල්ලංඝනය කරන සහ සෞඛ්‍යාරක්ෂක ක‍්‍රම අනුගමනය නොකරන පුද්ගලයන් හඳුනා ගැනීමයි අරමුණ. සෑම දිනකම පොලිස් නිලධාරින් පනස් පන් දහසක් පමණ මාර්ගවල සිට රථවාහන පරික්ෂා කිරිම් සිදු කරන බවයි නියෝජ්‍ය පොලිස්පති අජිත් රෝහණ මහතා පෙන්වා දෙන්නෙ.

 

අදාල සෞඛ්‍ය අංශවල නිර්දේශ මත ආයතන රැසක් විවෘත කර පවත්වාගෙන යාමට අවසර දී තිබෙනවා. එහෙත් සති පොළ සහ පිසූ ආහාර අළෙවිසැල් තවදුරටත් විවෘත කිරිමට අවස්ථාව නොමැති බවයි අජිත් රෝහණ මහතා පෙන්වා දෙන්නෙ.

 

කොළඹ නගරයේ ඇඳිරිනීතිය උල්ලංඝනය කරන පුද්ගලයන් හදුනා ගැනිම සදහා පොලිස් ආරක්ෂක කැමරා සියයකට වැඩි ගණනක් කි‍්‍රයාත්මක බවද පොලිසිය සදහන් කළා. ඇඳිරිනීතිය ආරම්භවූ දින සිට මේ දක්වා පුද්ගලයන් පනස් දෙදහසකට වැඩි පිරිසක් අත්අඩංගුවට ගෙන තිබෙනවා.