ජාතික රෝහලේ හදීසි අනතුරු අංශයේ හෙදියකට කොරෝනා

කොළඹ ජාතික රෝහලේ සේවය කරනු ලබන හෙද නිලධාරිනියකට නව කොරෝනා වෛරසය ආසාදනය වී ඇති බවට සිදුකළ PCR පරීක්ෂණයකදී තහවුරු වී ඇති බව එම රෝහලේ ප්‍රකාශිකාවක් සඳහන් කර සිටිනවා.

මෙම හෙදිය කොළඹ ජාතික රෝහලේ හදීසි අනතුරු අංශයේ දැඩි සත්කාර ඒකකයකට අනියුක්තව සේවයේ නියුතු අයෙක් වන අතර ඇයට මෙම කොරෝනා වෛරසය කෙලෙස ආසාදනය වුවාද යන්න සම්බන්ධයෙන් මේ දක්වා තහවුරුවී නොමැති අතර ඒ සම්බන්ධයෙන් විමර්ශන සිදුකෙරෙමින් පවතිනවා.

කොරෝනා වෛරසය ආසාදනය වූ එම හෙදිය සමග සේවයේ නියුතු සෙසු පිරිසගේ PCR පරීක්ෂණ අද දිනයේදී සිදුකිරිමට නියමිතව ඇත.