පරීක්ෂණ අවසන් කළ මහර රැඳවියන් 4කගේ සිරුරු රජයේ වියදමින් ආදාහනය කිරීමට නියෝග

මහර බන්ධනාගාර ගැටුමෙන් මියගිය රැඳවියන් හතර දෙනෙකුගේ පශ්චාත් මරණ පරීක්ෂණය පිළිබඳ පංච පුද්ගල විශේෂඥ කමිටු වාර්තාව ද වත්තල මහේස්ත්‍රාත් අධිකරණයට ඉදිරිපත් කලා.

 

ඒ පිළිබඳව සලකා බැලූ වත්තල හේස්ත්‍රාත්වරයා නියෝග කළේ පශ්චාත් මරණ පරීක්ෂණ දැනට අවසන් කළ මෘතදේහ 4 යලි අපරාධ විමර්ශන කටයුතු සඳහා තබා ගැනීම අවශ්‍ය නොවන බවයි.

 

ඒ අනුව එම මෘතදේහය 4 රජයේ වියදමින් ආදාහනය කරන ලෙස මහේස්ත්‍රාත්වරයා නියෝග කර තිබෙනවා.

 

මෙම රැඳවියන් හතර දෙනාගේ සිරුරු භූමදානය කිරීම සඳහා ඥාතීන් වෙත භාර දෙන ලෙස ඉල්ලීමක් කර තිබුණ ද එයට නීතිපති දෙපාර්තමේන්තුව වෙනුවෙන් පෙනී සිටි රජයේ අධිනීතිඥ නිෂාරා ජයරත්න මෙනවිය විරෝධය පළ කර තිබුණා.

 

ඉන් අනතුරුවයි මීට ටික වේලාවකට පෙර හේස්ත්‍රාත්වරයා විසින් මෙම නියෝගය ලබාදී තිබෙන්නේ.