පියා පැදවූ ට්‍රැක්ටරය දියණියට මාරකයක් වූ හැටි

මන්නාරම මුරුංගන් පොලිස් වසමේ පූවර්සන්කුලම් ප්‍රදේශයේදී කුඹුරු යායක සීසාමින් සිටි පුද්ගලයෙකුගේ ට්‍රැක්ටරයකට ඔහුගේ 8 හැවිරිදි දියණිය යටවීමෙන්  මිය ගොස් ඇතැයි පොලීසිය පැවසීය.

 

මියගිය දැරියගේ පිය විසින් සිය කුඹුර සී සෑම සඳහා දියණියද කුඹුරට රැගෙන ගොස් කුඹුරේ නියරක් මත දියණියව හිඳුව සීසාමින් සිටින අතරතුරදී දියණියටද ට්‍රැක්ටරයට නැගීමට අවශ්‍ය බව පවසා ඇත.

 

ඒහිදී ට්‍රැක්ටරයට දියණිය නංවා ගැනීමෙන් පසුව පියා විසින් සී සෑම නැවත ආරම්භ කොට ඇති අතර ඒහිදී ට්‍රැක්ටරය නියරක් මතින් යමේදී ඇතිවූ ගැස්සීමෙන් දියණිය ට්‍රැක්ටරයෙන් වැටී එහි රෝදයකට යටවී ඇතැයි සැකපල කරන බවට පොලීසිය පැවසීය.