කොවිඩ් මරණ අවසන් කටයුතුවලට පවුලේ සාමාජිකයින් විසින් මුදල් වියදම් කළ යුතුයි

කොරෝනා මරණ පිළිබඳ අවසන් කටයුතු සිදුකිරීමේදී රජය විසින් මුදල් වැය නොකරන බව සෞඛ්‍ය ඇමතිනී පවිත්‍රා වන්නිආරච්චි මහත්මිය පවසයි.

 

කොරෝනා ආසාදිත මරණ වැඩි වශයෙන් කොළඹ නගරය ආශ්‍රිතව සිදුවන බවත් එම මරණ ආදාහනය කිරීමේදී මුදල් අයකිරීමක් සිදුවන බවත් ඒ පිළිබඳව තමන් දැනුවත් දැයි සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා අද (25) පාර්ලිමේන්තුවේදී සෞඛ්‍ය අමාත්‍යවරියගෙන් විමසා සිටියේ ය.

 

කොරෝනා ආසාදිත මරණවල අවසන් කටයුතු සිදු කිරීමේදී මියගිය පුද්ගලයාගේ පවුලේ සාමාජිකයින් විසින් ඊට අදාළ මුදල් වියදම් කළ යුතු බවත් මරණවල අවසන් කටයුතු සිදුකිරීමට මුදල් වැය කිරීමට නොහැකි අපහසුතාවන් ඇති පවුල් සඳහා යම් සහයක් ලබා දීම සිදු කෙරෙන බවත් ඊට පිළිතුරු ලබා දෙමින් සෞඛ්‍ය ඇමතිනී පවිත්‍රා වන්නිආරච්චි මහත්මිය සඳහන් කළේය.