බඹරුන්ට තහනම් වූ අක්බාර් පාලම

පේරාදෙණිය විශ්වවිද්‍යාලයේ අක්බාර් පාලමේ බැඳ තිබූ බඹර කූඩු 32 ක් බඹරුන්ට කිසිදු හානියක් සිදු නොවන පරිදි එම ස්ථානයෙන් කපා ඉවත් කිරීම මහනුවර බිඟු සම්පත සුරැකීමේ සංවිධානය විසින් සාර්ථකව සිදු කර ඇත.

පේරාදෙණිය විශ්වවිද්‍යාලය සහ ඉංජිනේරු පීඨය යා කරමින් ඉදිකර තිබෙන අක්බාර් පාලම පේරාදෙණිය විශ්වවිද්‍යාලයේ පුදුම හතෙන් එකක් ලෙස හඳුන්වයි.

පේරාදෙණිය විශ්වවිද්‍යාලයේ වාර්ෂික උපාධි ප්‍රධානෝත්සවය එළඹෙන සතියේ පැවැත්වීමට නියමිතය. මෙම බඹර කූඩු අක්බාර් පාලමෙන් ඉවත් කරනු ලැබුවේ ඊට සමගාමීව ය.