විදෙස් රැකියා පෙන්වා මුදල් වංචා කළ අයෙකු අත්අඩංගුවට

විදෙස් රැකියා ලබා දෙන බව පවසා මුදල් වංචා කළ පුද්ගලයෙකු අත්අඩංගුවට ගත් බව ශ්‍රී ලංකා විදේශ සේවා නියුක්ති කාර්යාංශය පවසයි. 

 

එම කාර්යාංශයේ විශේෂ විමර්ශන ඒකකය මගින් පසුගිය 28 වැනිදා රුවන්වැල්ල ප්‍රදේශයේදී මෙම අත්අඩංගුවට ගැනීම සිදුකර තිබේ.

 

රුවල්වැල්ල නගරයේ නීති විරෝධි විදේශ රැකියා ආයතනයක් පවත්වාගෙන යමින් සැකකරු මෙම රැකියා ජාවාරම සිදුකර ඇත.

 

එහිදී ඩුබායි රාජ්‍යයේ රැකියා ලබා දෙන බව පවසා සැකකරු රුපියල් ලක්ෂ 50කට අධික මුදලක් වංචා කර ඇත.