කොරෝනා නීති කඩ කළ මැතිවරණ කොමිසමේ සාමාජික මහාචාර්ය හූල්ට නඩු
නිරෝධායන පනත උල්ලංඝනය කළේ යැයි කියන ජාතික මැතිවරණ කොමිෂන් සභාවේ සාමාජික මහාචාර්ය රත්නජීවන් හූල් මහතා සහ ඇගේ දියණියට එම පනත යටතේ නීතිය ක‍්‍රියාත්මක කිරීමට සෞඛ්‍ය අංශ තීරණය කර ඇතැයි ඉරිදා දිවයින පුවත්පත වාර්තා කර සිටියි.
ඒ අනුව ඉදිරියේ දී නිරෝධායන පනත යටතේ චෝදනා ගොනු කිරීමට නියමිතව ඇතැයිද වාර්තාවේ.
මෙම පනත යටතේ වැරදිකරුවකු වුවහොත් රුපියල් දස දහසක දඩයක් හෝ මාස හයක සිර දඬුවමක් හෝ ඉහත දඬුවම් දෙකටම යටත් විය හැකිය.
එංගලන්තයේ සිට මෙරටට පැමිණි මහාචාර්ය රත්නජීවන් හූල් මහතාගේ දියණිය මීගමුව ප‍්‍රදේශයේ හෝටලයකදී දින 14ක නිරෝධායනයට ලක් වී නල්ලූර්හි චෙම්මිණි පාරේ පිහිටි ඇගේ නිවසේ තවත් දින දාහතරක් නිරෝධායනයට ලක් විය යුතුව තිබුණ ද ඇය පසුගිය 19 වැනිදා සිය පියා සමග මැතිවරණ කොමිෂන් සභාව වෙත පැමිණ තිබිණි.
එහිදී මහාචාර්ය රත්නජීවන් හූල් මහතාට සහ ඇගේ දියණියට මැතිවරණ කොමිසමේ නිලධාරීන්ගේ විරෝධය එල්ල විය.
2079 Views
Comments