அடுத்த 3 ஆண்டுகளில் வாக்குறுதிகள் நிறைவேற்றப்படும் - ஜனாதிபதி

உலகளாவிய பேரழிவு ஏற்பட்டுள்ள வேளையில், நாட்டைக் கட்டியெழுப்புவதற்கு ஒன்றிணைய வேண்டிய தேசிய பொறுப்பு அனைவருக்கும் இருப்பதாக ஜனாதிபதி கோட்டாபய ராஜபக்ஷ தெரிவித்துள்ளார்.

 

9வது பாராளுமன்றத்தின் இரண்டாவது அமர்வு ஆரம்பமாகியுள்ளதுடன், அரியாசன உரையை ஆரம்பித்து வைத்து உரையாற்றும் போதே ஜனாதிபதி மேற்கண்டவாறு தெரிவித்தார்.

 

ஜனாதிபதி மேலும் தெரிவித்ததாவது,

 

“இந்த மகாசபையில் பிரதிநிதித்துவப்படுத்தும் பல்வேறு அரசியல் கட்சிகளின் பிரதிநிதிகளிடையே பல்வேறு அரசியல் சித்தாந்தங்கள் உள்ளன, கொள்கை வேறுபாடுகள் உள்ளன, ஆனால் நாம் அனைவரும் இறுதியில் நாட்டின் நலனையே விரும்புகிறோம். மக்கள் பிரதிநிதிகளாகிய நாம் அனைவரும் ஒன்றிணைந்து செயல்படுவதற்கான தேசிய பொறுப்பு உள்ளது. அந்த பொறுப்பை நிறைவேற்ற எங்களுடன் இணைந்து பணியாற்ற உங்கள் அனைவரையும் அழைக்கிறேன்.பெரும்பான்மை மக்களால் அங்கீகரிக்கப்பட்ட நீண்ட கால அபிவிருத்தி நிகழ்ச்சி நிரலை அசைக்காமல் செயல்படுத்துவது இதுவாகும்."

 

ஜனாதிபதியின் முக்கிய உரையின் சில முக்கிய அம்சங்கள் பின்வருமாறு:

 

• தேசிய பாதுகாப்பு உறுதிப்படுத்தப்பட்டுள்ளது.

 

• 16 வயதுக்கு மேற்பட்டவர்களில் 85% பேர் தடுப்பூசியின் இரண்டு டோஸ்களையும் முடித்துள்ளனர்.

 

• காவல்துறை அதிகாரிகளின் மனப்பான்மை மற்றும் பயிற்சித் திட்டங்களை மேம்படுத்த நடவடிக்கை எடுக்கப்பட்டுள்ளது.

 

• போரினால் பாதிக்கப்பட்ட வடக்கு, கிழக்கில் மக்களின் வாழ்வை மேம்படுத்த பல முதலீடுகள் செய்யப்பட்டுள்ளன.

 

• குறுகிய அரசியல் நலன்களுக்காக மக்களைத் தூண்டுவதை நிறுத்துங்கள்.

 

• சர்வதேச சமூகத்தின் அவதானிப்புகளுக்கு சாதகமாக பதிலளிக்க தயார்.

 

• தற்போதைய நெருக்கடிக்கு முகங்கொடுத்து ஒன்றிணைந்து செயல்பட வேண்டியது அனைத்து அரசியல் கட்சிகளின் மக்கள் பிரதிநிதிகளின் தேசியப் பொறுப்பாகும்.

 

• குழந்தைகளுக்கு நல்ல கல்வி வழங்குவதுடன், மக்களுக்கு தேவையான உள்கட்டமைப்பு வசதிகளையும் ஏற்படுத்த நடவடிக்கை எடுக்கப்பட்டது.

 

• ஜனநாயகத்தை வலுப்படுத்த வெளிப்படைத்தன்மை வலுப்படுத்தப்பட வேண்டும்.

 

• சட்ட தாமதங்களைத் தீர்க்கவும், நீதித்துறை நடவடிக்கைகளை நம்பகத்தன்மையுடன் நடத்தவும் நடவடிக்கை எடுக்கப்பட்டுள்ளது.

 

• நீதித்துறையை டிஜிட்டல் மயமாக்க நடவடிக்கை எடுக்கப்பட்டுள்ளது.

 

• குறைந்த வருமானம் உள்ளவர்கள் நீதிமன்ற நடவடிக்கைகளை மேற்கொள்ள வசதிகள் செய்யப்பட்டுள்ளன.

 

• கொழும்புக்கு மட்டுப்படுத்தப்பட்ட கடன் நிவாரண சபைகள் ஏனைய மாவட்டங்களுக்கும் விரிவுபடுத்தப்பட்டுள்ளன.

 

• மக்கள் ஆட்சிக்கான அடிப்படை வரைவைத் தயாரிக்க நடவடிக்கை எடுக்கப்பட்டுள்ளது.

 

• நாட்டில் உள்ள அனைத்து வீடுகளுக்கும் மின்சாரம் மற்றும் தண்ணீர் விநியோகம் திட்டமிட்டபடி நடந்து வருகிறது.

 

• 2025ஆம் ஆண்டுக்குள் கொழும்பு துறைமுகம் உலகின் பரபரப்பான துறைமுகங்களில் ஒன்றாக மாறும்.

 

• மக்களின் பொருளாதார நிலையை உணர்ந்து அரசு விவசாயிகளுக்கு இலவச உரம் கூட வழங்கியது.

 

• பசுமை விவசாயம் குறித்த அரசின் கொள்கையில் எந்த மாற்றமும் இல்லை.

 

• எத்தனால் இறக்குமதி முற்றிலும் நிறுத்தப்பட்டதால் கரும்பு விவசாயிகளுக்கு நல்ல விலை கிடைக்கும்.