பதுளை - எல்ல வெல்லவாய வீதி தற்காலிகமாக மூடப்பட்டுள்ளது

மண் சரிவு அபாயம் காரணமாக பதுளை -  எல்ல வெல்லவாய வீதி  தற்காலிகமாக மூடப்பட்டுள்ளது.

 

இந்த வீதி  நாளை (17) காலை 6 மணி வரை முழுமையாக மூடப்பட்டிருக்கும் என  இடர் முகாமைத்துவ நிலையம் அறிவித்துள்ளது.

 

பதுளை மாவட்டத்தில் பெய்து வரும் கடும் மழை காரணமாக எல்ல - வெல்லவாய வீதி  இன்று மாலை 6 மணி முதல் நாளை காலை 6 மணி வரை முழுமையாக மூடப்பட்டுள்ளதாக இடர் முகாமைத்துவ நிலையம் தெரிவித்துள்ளது. 

 

கற்பாறைகள் சரிதல் மற்றும் மண்சரிவு அபாயத்தை கருத்திற்கொண்டு இந்த தீர்மானம் எடுக்கப்பட்டுள்ளது. 

 

நாட்டின் பல பகுதிகளிலும் 100  மில்லிமீட்டருக்கும் அதிகமான மழைவீழ்ச்சி பதிவாகும் சாத்தியமுள்ளதாக வளிமண்டலவியல் திணைக்களம் தெரிவித்தது.