ස්වර්ණාභරණ වෙළඳසැලක් කඩා අත් ඔරලෝසු සොරකම් කළ තිදෙනෙක් කොටුවේ

හොක්කයිඩෝ පොලිස් දෙපාර්තමේන්තුවේ Obihiro පොලිස් ස්ථානය විසින් Sapporo නගරයේ ස්වර්ණාභරණ වෙළඳසැලක් කඩා සුඛෝපභෝගී අත් ඔරලෝසු සොරකම් කළ පුද්ගලයන් තිදෙනෙකු අත්අඩංගුවට ගෙන ඇත.

 

මොවුන් Minami 1 Nishi 2 හි ගොඩනැගිල්ලක පළමු මහලේ ඇති වෙළඳසැලට කඩා වැදී සුඛෝපභෝගී සන්නාමයේ අත් ඔරලෝසු 41ක් සොරකම් කර පලා ගිය බවට සැක කෙරේ.

 

පසුව මොවුන් තිදෙනා මෙම ඔරලෝසු විකුණා මුදල් ගැනීමට ලෝහ මිලදී ගැනීමේ වෙළඳසැලකට ගොස් ඇති අතර එහි හිමිකරු ඒ බව පොලිසියට දැනුම් දීමෙන් අනතුරුව ඔවුන් අත්අඩංගුවට ගන්නා ලදී.