திடீரென தரையிறங்கிய ஸ்ரீலங்கன் எயார்லைன்ஸ் விமானம்!

ஸ்ரீலங்கன் எயார்லைன்ஸ் விமானம் புறப்பட்டு 5 நிமிடங்களில் தரையிறங்கிய சம்பவம் ஒன்று இன்று (28) பிற்பகல் கட்டுநாயக்க விமான நிலையத்தில் பதிவாகியுள்ளது.

 

இந்தியாவின் மதுரைக்கு செல்வதற்காக பிற்பகல் 02:02 மணிக்கு விமான நிலையத்திலிருந்து புறப்பட்ட ஸ்ரீலங்கன் எயார்லைன்ஸ் நிறுவனத்தின் UL 139 என்ற விமானம் புறப்பட்டு 5 நிமிடங்களில் மீண்டும் தரையிறங்கியதாக விமான நிலையத்திற்கு பொறுப்பான அதிகாரி தெரிவித்தார்.

 

தொழில்நுட்ப கோளாறு காரணமாக விமானம் தரையிறங்கியதாக கூறப்படுகிறது.

 

விமான ஊழியர்களை விமானத்தில் தங்க வைத்து விமானத்தை சரி செய்ய விமான நிலைய அதிகாரிகள் நடவடிக்கை எடுத்துள்ளனர்.