13,200ක් රැඳවිය හැකි තැන 26,000ක් - බන්ධනාගාර උතුරලා
විදේශගත ඔබට
Latest_News
calendar
NOV
28

13,200ක් රැඳවිය හැකි තැන 26,000ක් - බන්ධනාගාර උතුරලා

13,200ක් රැඳවිය හැකි තැන 26,000ක් - බන්ධනාගාර උතුරලා

දිවයින පුරා බන්ධනාගාරවල උපරිම වශයෙන් රැඳවියන් 13,200 ක් රැඳවීමේ හැකියාව ඇතත් මේ වන විට බන්ධනාගාර තුළ රැඳවියන් 26,000 ක් සිටින බව අතිරේක බන්ධනාගාර කොමසාරිස් ජනරාල් මාධ්‍ය ප්‍රකාශක චන්දන ඒකනායක මහතා පැවසීය.

 

මෙම රැඳවියන් පිරිස අතරින් 13,300 ක් මත්ද්‍රව්‍ය ආශ්‍රිත චෝදනා හේතුවෙන් බන්ධනාගාරගත වූවන් බවද ඒ මහතා කීය. බන්ධනාගාරවල සිටින සිරකරුවන් සංඛ්‍යාව 10,000 ක් වන අතර සැකකරුවන් සංඛ්‍යාව 16,000 ක් වේ.

 

දිවයිනේ සෑම බන්ධනාගාරයකම මේ වසර ආරම්භයත් සමඟ බන්ධනාගාරගත වන රැඳවියන්ගේ වැඩිවීමක් පෙන්වන බව සංඛ්‍යාලේඛනවලින් දක්නට ලැබෙන බව ද ඒකනායක මහතා කියා සිටියේය.

 

මරණීය දණ්ඩනය නියම වී බන්ධනාගාරගතව සිටින රැඳවියන් ගණන 1,177 කි. මෙම පිරිස අතර අනිවාර්යෙන්ම මරණීය දණ්ඩනය නියම වූ කාන්තාවෝ 12 ක් ඇතුළු 642 ක් වෙති. මරණ දණ්ඩනය නියම වී අභියාචනා ඉදිරිපත් කළ පිරිස අතර කාන්තාවෝ 15 ක් ඇතුළු 535 ක් වෙති. ජීවිතාන්ත සිරදඬුවම් නියම වූ 500ක් පමණද බන්ධනාගාරවල සිටිති.

views

33 Views

Comments

arrow-up