මියන්මාරයට සම්බාධක පනවන ලෙස එක්සත් ජාතීන්ගේ විශේෂඥයෙක් ජපානයෙන් ඉල්ලයි

එක්සත් ජාතීන්ගේ මානව හිමිකම් පිළිබඳ විශේෂඥ තෝමස් ඇන්ඩෲස් මියන්මාරයේ පාලක ජුන්ටාවට තවත් සම්බාධක පනවන ලෙස ජපානයෙන් ඉල්ලා සිටී.

 

ඔහු තෝකියෝ හි පැවති ප්‍රවෘත්ති සාකච්ඡාවකදී පැවසුවේ හමුදාව සිවිල් වැසියන්ට එරෙහි ප්‍රහාර වේගවත් කරන විට මානුෂීය තත්වය පිරිහෙමින් පවතින බවයි.

 

සිවිල් වැසියන් 3,400 කට වැඩි පිරිසක් මරා දමා ඇති අතර වසර දෙකකට පෙර හමුදා කුමන්ත්‍රණයකින් බලයට පත්වූ දා සිට දේශපාලන සිරකරුවන් 17,000 ක් පමණ රඳවාගෙන සිටින බවද ඔහු පැවසීය.

 

ඔහු මේ වසරේ G7 කණ්ඩායමේ සභාපතිවරයා ලෙස ජපානයෙන් ඉල්ලා සිටියේ හමුදාවට සම්බාධක පැනවීමට බටහිර රටවල් සමඟ එක්වන ලෙසයි.  ලබන මාසයේ හිරෝෂිමා හි පැවැත්වෙන G7 සමුළුවේදී ඔහු ප්‍රබල පණිවිඩයක් ඉල්ලා සිටියේය.

 

හමුදාවේ මාරාන්තික ප්‍රහාරවලින් බේරීම සඳහා මියන්මාරයෙන් පලා ගිය රොහින්ග්‍යා මුස්ලිම් සරණාගතයින් සඳහා මානුෂීය ආධාර පුළුල් කරන ලෙස ඇන්ඩෘස් ජාත්‍යන්තර ප්‍රජාවෙන් ඉල්ලා සිටියේය.  මිලියනයක් පමණ තවමත් අසල්වැසි බංග්ලාදේශයේ කඳවුරුවල ජීවත් වෙති.

 

අරමුදල් නොමැතිකම හේතුවෙන් එක්සත් ජාතීන්ගේ ආහාර බෙදා හැරීම සැලකිය යුතු ලෙස අඩු වී ඇති බවත් ළමයින්ගෙන් සියයට 40 කට වැඩි පිරිසක් මන්දපෝෂණයෙන් පෙළෙන බවත් ඔහු පැවසීය.